San Lucas 3:16 - Li Santil hu

¹⁶ Laj Juan quichakꞌoc ut quixye reheb chixjunileb: —Ya̱l nak la̱in nincubsin haꞌ riqꞌuin haꞌ. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tinhit xcꞌa̱mal lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Q'eqchi Bible

¹⁶ Kichaq'ok ut laj Jwan ut kixye reheb': “Laa'in ninkub'si eeha' yal rik'in ha', ab'an chalk re li q'axal nim xwankil chiwu laa'in, li moko ink'ulub' ta xhitb'al xk'aamal li xxaab'. A'an tixkub'si eeha' rik'in Santil Musiq'ej ut xam.

San Lucas 3:16 ပူးပေါင်းရင်းမြစ်များ

Hechos 1:5

Ya̱l nak laj Juan quicubsin haꞌ riqꞌuin haꞌ. Abanan anakcuan aꞌ chic lix cuanquilal li Santil Musikꞌej te̱cꞌul chi se̱b ut aꞌan chic ta̱cua̱nk e̱riqꞌuin, chan.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

San Juan 1:33

Incꞌaꞌ raj xinnau nak aꞌan li Cristo cui ta incꞌaꞌ quicuil li quicꞌulman. Xinnau nak aꞌan li Cristo xban nak li Dios li quitaklan chak cue chi cubsi̱nc haꞌ quixye cue, “Nak ta̱cuil li Santil Musikꞌej chanchan jun li paloma yo̱k chi cubec ut ta̱hila̱nk saꞌ xbe̱n jun li cui̱nk, aꞌan retalil nak aꞌan li ta̱qꞌuehok e̱re li Santil Musikꞌej”, chan li Dios.

San Juan 1:26

Quichakꞌoc cuiꞌchic laj Juan ut quixye: —La̱in nincubsin haꞌ riqꞌuin haꞌ. Abanan cuan jun saꞌ e̱ya̱nk la̱ex incꞌaꞌ nequenau chi tzꞌakal ani aꞌan.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Isaías 32:15

Abanan li Ka̱cuaꞌ Dios tixqꞌue lix musikꞌ ke ut torosobtesi cuiꞌchic. Tixsukꞌisi li chaki chꞌochꞌ chokꞌ cha̱bil chꞌochꞌ. Ut li cha̱bil chꞌochꞌ kꞌaxal cuiꞌchic nabal li acui̱mk tixqꞌue.

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

Proverbios 1:23

Quixye li Ka̱cuaꞌ: —Cheqꞌuehak retal le̱ kꞌusbal li ninqꞌue ut la̱in tinqꞌuehok e̱naꞌleb ut texintenkꞌa chixtaubal ru lix ya̱lal.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

San Juan 7:38

Xban nak joꞌcaꞌin tzꞌi̱banbil retalil saꞌ li Santil Hu: Chixjunileb li ani teꞌpa̱ba̱nk cue la̱in, li Santil Musikꞌej li naqꞌuehoc junelic yuꞌam ta̱cua̱nk riqꞌuineb. Chanchan jun li yuꞌam haꞌ li incꞌaꞌ na-osoꞌ.—

Hechos 10:44

Toj yo̱ ajcuiꞌ chi a̱tinac laj Pedro nak queꞌxcꞌul li Santil Musikꞌej chixjunileb li yo̱queb chi abi̱nc re li ra̱tin li Dios li yo̱ chixyebal.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

San Juan 1:27

Aꞌan li ta̱oc chi cꞌanjelac mokon. Kꞌaxal nim xcuanquil aꞌan chicuu la̱in. Moco incꞌulub ta xba̱nunquil lix cꞌanjel aꞌan xban nak cubenak incuanquil. Joꞌcan nak moco incꞌulub ta xhitbal xcꞌa̱mal lix xa̱b, chan.