San Lucas 3:14 - Li Santil hu

¹⁴ Ut cuanqueb ajcuiꞌ soldado queꞌpatzꞌoc ut queꞌxye re: —Ut la̱o, ¿cꞌaꞌru takaba̱nu? chanqueb. Quixye reheb: —Ma̱ ani te̱makꞌ cꞌaꞌru re ut ma̱ ani te̱kꞌaba chi ma̱cꞌaꞌ rajbal. Chicꞌojla̱k ban e̱chꞌo̱l riqꞌuin li joꞌ qꞌuial nequextojeꞌ cuiꞌ, chan.

Q'eqchi Bible

¹⁴ Wankeb' ajwi' aj puub' ke'xpatz' re: —Ut laa'o, k'aru tento taaqab'aanu? Kichaq'ok a'an ut kixye reheb': —Maak'a' teemaq' re anihaq, mexjitok rik'in b'alaq'il aatin ut k'ojk'ooq leech'ool rik'in leetojb'al.

San Lucas 3:14 ပူးပေါင်းရင်းမြစ်များ

Éxodo 20:16

Mexyoꞌoban a̱tin chirix le̱ ras e̱ri̱tzꞌin.

Filipenses 4:11

Incꞌaꞌ yo̱quin chixyebal aꞌin e̱re xban nak cuan li cꞌaꞌru nacuaj. Ac xintzol cuib chi cua̱nc chi cꞌojcꞌo inchꞌo̱l riqꞌuin joꞌ nimal joꞌ chꞌinal cuan cue.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

Apocalipsis 12:10

Ut quicuabi jun xya̱b cux yo̱ chi a̱tinac chi cau saꞌ choxa ut quixye: Anakcuan xcꞌulun chak li kacolbal. Anakcuan li Ka̱cuaꞌ chic ta̱cua̱nk xcuanquil ut aꞌan chic ta̱takla̱nk. Quicꞌutun lix cuanquilal li Cristo nak qui-isi̱c saꞌ choxa laj tza li quijitoc reheb li kech aj pa̱banelil chiru li Dios chi kꞌek chi cutan.

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Hechos 10:7

Nak ac x-el li ángel riqꞌuin, laj Cornelio quixbok cuib lix mo̱s cui̱nk ut quixbok ajcuiꞌ jun reheb lix soldado li naxxucua ru li Dios.

San Mateo 8:5

Ut nak quicuulac li Jesús aran Capernaum, quichal jun li capitán aj Roma riqꞌuin. Quixtzꞌa̱ma usilal chiru ut quixye re:

San Lucas 3:10

Ut eb li tenamit yo̱queb chixpatzꞌbal re: —¿Cꞌaꞌru tento takaba̱nu re nak incꞌaꞌ ta̱rakekꞌ a̱tin saꞌ kabe̱n? chanqueb.

San Lucas 3:13

Ut aꞌan quixye reheb: —Me̱patzꞌ xbe̱n li toj li ac yebil reheb nak teꞌxqꞌue, chan.