San Lucas 3:11 - Li Santil hu

¹¹ Quichakꞌoc laj Juan ut quixye reheb: —Li ani cuan cuibak sumal rakꞌ chixqꞌuehak jun sumalak re li ma̱cꞌaꞌ re. Ut li ani cuan xtzacae̱mk, chixqꞌuehak re li ma̱cꞌaꞌ re, chan.

Q'eqchi Bible

¹¹ Kichaq'ok ut kixye reheb': —Ani wanq wiib' li raq' chixk'e junaq re li maak'a' raq'; ani wanq xtzekemq, jo'kanaq ajwi' chixb'aanu.

San Lucas 3:11 ပူးပေါင်းရင်းမြစ်များ

1 Juan 3:17

Jun chic ninye e̱re. Cui la̱o cuan nabal li cꞌaꞌru ke ut incꞌaꞌ nakatokꞌoba ru li nebaꞌ li ma̱cꞌaꞌ cuan re, ¿ma ya̱l ta biꞌ nak nakara li Dios chi joꞌcanan?

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

San Lucas 18:22

Nak quirabi li cꞌaꞌru quixye li cui̱nk, li Jesús quixye re: —Jun chic toj ma̱jiꞌ nacaba̱nu. Cꞌayi chixjunil li cꞌaꞌru cuan a̱cue ut ta̱si lix tzꞌak reheb li nebaꞌ ut ta̱cua̱nk a̱biomal saꞌ choxa. Nak ac xaba̱nu aꞌan, tatcha̱lk ut tina̱ta̱ke, chan li Jesús re.

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Hechos 10:4

Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Hechos 10:2

Li cui̱nk aꞌan quixxucua ru li Dios joꞌqueb ajcuiꞌ chixjunileb li cuanqueb saꞌ li rochoch. Cha̱bil xnaꞌleb ut junelic natijoc chiru li Dios ut junelic naxtenkꞌaheb li nebaꞌ.

San Juan 13:29

Cuan li queꞌxcꞌoxla nak li Jesús ta̱raj nak laj Judas ta̱xic chixlokꞌbal li cꞌaꞌak re ru re li ninkꞌe. Ut cuan ajcuiꞌ li queꞌxcꞌoxla nak ta̱raj nak laj Judas tixqꞌue caꞌchꞌinak li tumin reheb li nebaꞌ xban nak riqꞌuin laj Judas cuan lix bo̱lsil lix tumineb.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

Santiago 2:14

Ex inherma̱n, ¿cꞌaꞌru aj e nak tixye junak nak aꞌan aj pa̱banel cui incꞌaꞌ yo̱ chixba̱nunquil li us? Cui joꞌcan yo̱ chixba̱nunquil, ma̱cꞌaꞌ na-oc cuiꞌ lix pa̱ba̱l. Moco naru ta ta̱colekꞌ xban.