San Lucas 24:6 - Li Santil hu

⁶ Aꞌan ma̱ ani chic arin. Ac xcuacli cuiꞌchic chi yoꞌyo. Chijulticokꞌ e̱re li cꞌaꞌru quixye chak nak toj cua̱nk chak Galilea.

Q'eqchi Bible

⁶ Maa'ani chik arin: xwakliik chi yo'yo. Jultikaq eere chanru naq xexraatina naq toj wan chaq Galilea, naq kixye:

San Lucas 24:6 ပူးပေါင်းရင်းမြစ်များ

San Lucas 9:22

Ut quixye ajcuiꞌ reheb: —La̱in li Cꞌajolbej. Tento nak tincꞌul nabal li raylal. Tintzꞌekta̱na̱k xbaneb li xakabanbileb chi cꞌanjelac saꞌ li templo, joꞌ ajcuiꞌ xbaneb li xbe̱nil aj tij, ut xbaneb laj tzꞌi̱b. Tincamsi̱k, abanan tincuacli̱k cuiꞌchic chi yoꞌyo saꞌ rox li cutan, chan li Jesús.

San Marcos 8:31

Li Jesús quixchꞌolob xya̱lal chiruheb nak aꞌan li Alalbej ut nak nabal li raylal cha̱lc re saꞌ xbe̱n. Quixye reheb nak ta̱tzꞌekta̱na̱k xbaneb li xakabanbileb chi cꞌanjelac saꞌ li templo. Ta̱tzꞌekta̱na̱k ajcuiꞌ xbaneb li xbe̱nil aj tij. Joꞌ ajcuiꞌ xbaneb laj tzꞌi̱b ut quixye ajcuiꞌ reheb nak ta̱camsi̱k ut ta̱cuacli̱k cuiꞌchic chi yoꞌyo saꞌ rox li cutan.

San Mateo 28:6

Ma̱ ani chic arin. Ac xcuacli chi yoꞌyo joꞌ quixye e̱re. Quimkex arin. Ilomak lix naꞌaj bar queꞌxqꞌue cuiꞌ li Ka̱cuaꞌ.

San Lucas 9:44

—Cherabihak chi us li tinye e̱re. Tento nak la̱in li Cꞌajolbej tinkꞌaxtesi̱k saꞌ rukꞌeb li cui̱nk li xicꞌ nequeꞌiloc cue, chan li Jesús.

San Mateo 27:63

Ut queꞌxye re: —Ka̱cuaꞌ, xjulticoꞌ ke li a̱tin quixye laj balakꞌ nak toj yoꞌyo̱k. Quixye nak saꞌ rox li cutan ta̱cuacli̱k cuiꞌchic chi yoꞌyo.

San Mateo 16:21

Chalen saꞌ li cutan aꞌan li Jesús quixtiquib xchꞌolobanquil chiruheb lix tzolom nak tento ta̱xic Jerusalén chixcꞌulbal nabal li raylal xbaneb li cui̱nk li xakabanbileb chi cꞌanjelac saꞌ li templo ut xbaneb li xbe̱nil aj tij joꞌ eb ajcuiꞌ laj tzꞌi̱b. Quixye reheb nak ta̱camsi̱k ut nak ta̱cuacli̱k cuiꞌchic chi yoꞌyo saꞌ rox li cutan.

San Mateo 12:40

Joꞌ nak laj Jonás oxib cutan ut oxib kꞌojyi̱n quicuan chak saꞌ xsaꞌ li nimla car, joꞌcan ajcuiꞌ nak la̱in li Cꞌajolbej tincua̱nk oxib cutan ut oxib kꞌojyi̱n saꞌ li mukleba̱l.

San Marcos 16:6

Ut li cui̱nk quixye reheb: —Mexxucuac. La̱in ninnau nak yo̱quex chixsicꞌbal li Jesús aj Nazaret li queꞌxcamsi chiru cruz. Aꞌan ma̱ ani chic arin. Ac xcuacli cuiꞌchic chi yoꞌyo. Ilomak lix naꞌaj li xcuan cuiꞌ li camenak.

San Lucas 24:5

Cꞌajoꞌ nak queꞌxucuac li ixk. Queꞌxxulub li riloba̱l. Ut eb li cui̱nk queꞌxye reheb: —¿Cꞌaꞌut nak nequesicꞌ li yoꞌyo saꞌ xya̱nkeb li camenak?

San Lucas 24:34

Yo̱queb chixyebal: —Relic chi ya̱l nak xcuacli cuiꞌchic chi yoꞌyo li Ka̱cuaꞌ xban nak xcꞌutbesi rib chiru laj Simón, chanqueb.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

2 Ts 2:5

¿Ma incꞌaꞌ jultic e̱re nak quinye chak e̱re chixjunil aꞌin nak toj cuanquin chak e̱riqꞌuin?