San Lucas 24:50 - Li Santil hu

⁵⁰ Ut li Jesús quixcꞌameb toj saꞌ li tenamit Betania. Quixtaksi li rukꞌ ut quirosobtesiheb.

Q'eqchi Bible

⁵⁰ Ut kixk'ameb' toj chi xk'atq Betania; kixtaqsiheb' li ruq' ut kirosob'tesiheb'.

San Lucas 24:50 ပူးပေါင်းရင်းမြစ်များ

Hechos 1:12

Chirix aꞌan eb li apóstol queꞌcube chak saꞌ li tzu̱l Olivos ut queꞌco̱eb cuiꞌchic Jerusalén. Li tzu̱l aꞌan nachꞌ cuan riqꞌuin li tenamit Jerusalén, jun kilómetro tana xnajtil, joꞌ xnajtil li naru nequeꞌxbeni saꞌ li hiloba̱l cutan.

San Mateo 21:17

Ut li Jesús quixcanabeb ut qui-el saꞌ li tenamit ut co̱ toj Betania bar quihilan cuiꞌ.

Génesis 49:28

Aꞌaneb aꞌin li cablaju xte̱paleb li ralal xcꞌajol laj Israel. Tzꞌi̱banbil arin li cꞌaꞌru queꞌyeheꞌ reheb xban lix yucuaꞌeb nak quixtzꞌa̱ma chiru li Ka̱cuaꞌ Dios li rosobtesinquil li junju̱nk. Jalan jala̱nk li rosobtesinquileb.

San Marcos 11:1

Queꞌnachꞌoc Jerusalén bar cuan cuiꞌ li cuib chi tenamit Betfagé ut Betania. Cuanqueb chiru li tzu̱l Olivos nak li Jesús quia̱tinac riqꞌuin cuibeb lix tzolom.

San Marcos 10:16

Ut li Jesús quixkꞌaluheb li cocꞌal, quixqꞌue li rukꞌ saꞌ xbe̱neb, ut quirosobtesiheb.

Génesis 48:9

Laj José quichakꞌoc ut quixye re lix yucuaꞌ: —Li Ka̱cuaꞌ Dios x-osobtesin cue ut aꞌaneb li cualal li queꞌyoꞌla arin Egipto, chan. Ut laj Jacob quixye re, —Ba̱nu usilal, jilosiheb chak chincꞌatk ut la̱in tintzꞌa̱ma chiru li Ka̱cuaꞌ Dios nak ta̱rosobtesiheb, chan laj Israel.

Génesis 27:4

Ut ta̱yi̱b caꞌchꞌinak lin tzacae̱mk li nacuulac chicuu. Nak ac xincuaꞌac, la̱in tatcuosobtesi nak toj yoꞌyo̱quin, chan laj Isaac re laj Esaú.

Levítico 9:22

Nak quirakeꞌ xqꞌuebaleb li mayej re xtzꞌa̱manquil xcuybal li ma̱c ut li cꞌatbil mayej joꞌ ajcuiꞌ li mayej re xcꞌambal ribeb saꞌ usilal riqꞌuin li Dios, laj Aarón quixtaksi li rukꞌ saꞌ xbe̱neb li tenamit ut quixtzꞌa̱ma chiru li Dios nak ta̱rosobtesiheb li tenamit. Chirix aꞌan qui-el chiru li artal.

Josué 22:6

Ut chirix aꞌan laj Josué quixtzꞌa̱ma chiru li Dios nak ta̱rosobtesiheb, tojoꞌnak quixtaklaheb saꞌ lix muheba̱leb.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.