San Lucas 24:5 - Li Santil hu

⁵ Cꞌajoꞌ nak queꞌxucuac li ixk. Queꞌxxulub li riloba̱l. Ut eb li cui̱nk queꞌxye reheb: —¿Cꞌaꞌut nak nequesicꞌ li yoꞌyo saꞌ xya̱nkeb li camenak?

Q'eqchi Bible

⁵ K'ajo' naq ki'ok xxiweb' li ixq! Ke'xxulub' li rilob'aal sa' ch'och' ut ke'yehe'k re: —K'a'ut naq nekesik' sa' xyanqeb' li kamenaq li Yo'yo?

San Lucas 24:5 ပူးပေါင်းရင်းမြစ်များ

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Daniel 10:16

Ut xaka̱mil chicuu jun chanchan li cui̱nk. Aꞌan quixqꞌue li rukꞌ chi xtzꞌu̱mal cue ut quina̱tinac cuiꞌchic. Ut la̱in quinye re: —At Ka̱cuaꞌ, kꞌaxal ra saꞌ inchꞌo̱l xban li quicꞌutbesi̱c chicuu ut ma̱cꞌaꞌ chic inmetzꞌe̱u.

Hebreos 7:8

Eb laj tij aj Israel queꞌxcꞌul ajcuiꞌ li junju̱nk saꞌ xlaje̱tkil. Aꞌaneb yal cui̱nkeb ut queꞌcam. Abanan laj Melquisedec moco quicam ta. Joꞌcan tzꞌi̱banbil saꞌ li Santil Hu.

Daniel 10:19

Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

San Lucas 1:29

Ut lix María quisach xchꞌo̱l chirabinquil li quixye li ángel. —¿Cꞌaꞌru xya̱lal li a̱tin li xye cue? chan saꞌ xchꞌo̱l.

San Lucas 24:4

Queꞌsach xchꞌo̱leb ut incꞌaꞌ queꞌxnau cꞌaꞌru teꞌxba̱nu. Ut xaka̱mil chiruheb cuib li cui̱nk. Nalemtzꞌun li rakꞌeb.

San Lucas 24:6

Aꞌan ma̱ ani chic arin. Ac xcuacli cuiꞌchic chi yoꞌyo. Chijulticokꞌ e̱re li cꞌaꞌru quixye chak nak toj cua̱nk chak Galilea.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.