San Lucas 24:39 - Li Santil hu

³⁹ La̱in li Jesús. Ilomak li cuok ut li cuukꞌ. Chꞌeꞌomakin re nak te̱qꞌue retal nak la̱in tzꞌakal. Junak musikꞌej, aꞌan ma̱cꞌaꞌ xbakel, chi moco cuan xtibel. Ilomak. La̱in cuan inbakel ut cuan intibel, chan reheb.

Q'eqchi Bible

³⁹ Ilomaqeb' li wuq' ut eb' li woq: laa'inin ajwi'! Ch'e'omaqin ut k'ehomaq reetal naq junaq musiq'ej maak'a' xtib'el ut xb'aqel jo' nekeril we laa'in.

San Lucas 24:39 ပူးပေါင်းရင်းမြစ်များ

San Juan 20:27

Tojoꞌnak quixye re laj Tomás: —Il chi us li cuukꞌ. Chꞌic li ruꞌuj la̱ cuukꞌ arin saꞌ xnaꞌaj li claux. Ut chꞌic la̱ cuukꞌ saꞌ xcꞌatk lin saꞌ. Chatpa̱ba̱nk. ¿Cꞌaꞌut nak incꞌaꞌ xapa̱b nak xincuacli cuiꞌchic chi yoꞌyo?—

1 Juan 1:1

Nintzꞌi̱bac e̱riqꞌuin chirix li Dios Cꞌajolbej li cuan chalen chak saꞌ xticlajic li ruchichꞌochꞌ. La̱o quikil riqꞌuin xnakꞌ ku ut coa̱tinac riqꞌuin. Quikil ru aꞌan chi tzꞌakal ut xkachꞌeꞌ riqꞌuin kukꞌ. Aꞌan aꞌin li A̱tin naqꞌuehoc yuꞌam.

San Juan 20:20

Ut quixcꞌut chiruheb li rukꞌ ut lix cꞌatk xsaꞌ li quihopeꞌ. Cꞌajoꞌ nak queꞌsahoꞌ saꞌ xchꞌo̱leb lix tzolom nak queꞌril cuiꞌchic ru li Ka̱cuaꞌ.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Hebreos 12:9

Saꞌ kacaꞌchꞌinal, li kanaꞌ kayucuaꞌ nocoeꞌxkꞌus ut naka-oxlokꞌiheb. ¿Ma tojaꞌ ta chic li kachoxahil yucuaꞌ incꞌaꞌ takapa̱b nak toxkꞌus? Cui nakapa̱b li kakꞌusbal naxqꞌue li Dios, cua̱nk kayuꞌam chi junelic.

San Juan 20:25

Li rech aj tzolonelil queꞌxye re: —Xkil ru li Ka̱cuaꞌ, chanqueb re. Abanan laj Tomás quixye reheb: —Cui incꞌaꞌ tincuil li retalil li claux saꞌ rukꞌ ut cui incꞌaꞌ tinqꞌue li ruꞌuj cuukꞌ saꞌ xnaꞌaj li claux ut cui incꞌaꞌ tinchꞌic li cuukꞌ saꞌ xcꞌatk xsaꞌ, la̱in incꞌaꞌ tinpa̱b nak xcuacli cuiꞌchic chi yoꞌyo, chan laj Tomás.

Hechos 1:3

Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.

San Lucas 23:46

Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l.

San Lucas 24:38

Ut li Jesús quixye reheb: —¿Cꞌaꞌut nak nequexxucuac? Ut, ¿cꞌaꞌut nak na-oc e̱cꞌaꞌux?

San Lucas 24:40

Ut nak yo̱ chixyebal aꞌin, quixcꞌut li rok ut li rukꞌ chiruheb.