San Lucas 24:38 - Li Santil hu

³⁸ Ut li Jesús quixye reheb: —¿Cꞌaꞌut nak nequexxucuac? Ut, ¿cꞌaꞌut nak na-oc e̱cꞌaꞌux?

Q'eqchi Bible

³⁸ Ut li Jesus kixye reheb': —K'a'ut naq sachso leech'ool? K'a'ut naq na'ok eek'a'uxl?

San Lucas 24:38 ပူးပေါင်းရင်းမြစ်များ

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Mateo 16:8

Li Jesús quixnau li cꞌaꞌru yo̱queb chixyebal ut quixye reheb: —La̱ex incꞌaꞌ nequexpa̱ban chi tzꞌakal. ¿Cꞌaꞌut nak yo̱quex chi cꞌoxlac chirix li xinye e̱re? ¿Cꞌaꞌut nak yo̱quex chixyebal chiribil e̱rib nak ma̱cꞌaꞌ le̱ caxlan cua?

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Daniel 4:5

Saꞌ jun li kꞌojyi̱n quinmatqꞌuec. Nak qui-aj cuu, cꞌajoꞌ nak quinxucuac ut incꞌaꞌ chic quincuar xcꞌoxlanquil li quicꞌutbesi̱c chicuu saꞌ lin matcꞌ.

San Lucas 24:37

Ut eb aꞌan sachso̱queb xchꞌo̱l queꞌcana ut teꞌxucuak. Saꞌ xchꞌo̱leb aꞌan nak ma̱re junak musikꞌej yo̱queb chirilbal.

San Lucas 24:39

La̱in li Jesús. Ilomak li cuok ut li cuukꞌ. Chꞌeꞌomakin re nak te̱qꞌue retal nak la̱in tzꞌakal. Junak musikꞌej, aꞌan ma̱cꞌaꞌ xbakel, chi moco cuan xtibel. Ilomak. La̱in cuan inbakel ut cuan intibel, chan reheb.