San Lucas 24:36 - Li Santil hu

³⁶ Toj yo̱queb ajcuiꞌ xserakꞌinquil li cꞌaꞌru queꞌxcꞌul nak ac xaka̱mil li Jesús saꞌ xya̱nkeb ut quixye reheb: —¡Chicua̱nk taxak li tuktu̱quil usilal e̱riqꞌuin! chan reheb.

Q'eqchi Bible

³⁶ Yookeb' chi aatinak chirix chixjunil a'in naq xaqaamil li Jesus sa' xyiheb': —Chiwanq taxaq eerik'in li tuqtuukil usilal, chan reheb'.

San Lucas 24:36 ပူးပေါင်းရင်းမြစ်များ

2 Ts 3:16

Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

San Lucas 10:5

Nak texcuulak saꞌ junak cab, te̱qꞌue xsahileb xchꞌo̱l ut te̱ye, “Aꞌ taxak li tuktu̱quil usilal chicua̱nk saꞌ li cab aꞌin,” chaꞌkex.

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

Isaías 57:18

Usta ac ninnau chanru lix naꞌlebeb, abanan la̱in tinqꞌuirtesiheb. La̱in tinberesiheb ut tincꞌojob xchꞌo̱leb.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

1 Corintios 15:5

Chirix aꞌan li Ka̱cuaꞌ Jesucristo quixcꞌut rib chiru li apóstol Pedro ut quixcꞌut ajcuiꞌ rib chiruheb chixjunileb li apóstol.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

San Mateo 10:13

Ut cui texcꞌulekꞌ saꞌ usilal, ta̱cana̱k riqꞌuineb li tuktu̱quil usilal. Ut cui incꞌaꞌ texcꞌulekꞌ saꞌ usilal, incꞌaꞌ ajcuiꞌ ta̱cana̱k riqꞌuineb li tuktu̱quil usilal. Ta̱sukꞌi̱k cuiꞌchic e̱riqꞌuin.

Hechos 1:3

Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.

1 Corintios 15:7

Ut mokon li Ka̱cuaꞌ Jesucristo quixcꞌut rib chiru laj Jacobo ut quixcꞌut ajcuiꞌ rib chiruheb chixjunileb li apóstol.