San Lucas 24:32 - Li Santil hu

³² Ut eb aꞌan queꞌxye chi ribileb rib: —Joꞌcan peꞌ nak yo̱co chak recꞌanquil jun sahil chꞌo̱lej saꞌ ka̱m nak yo̱ chak chika̱tinanquil saꞌ be ut nak yo̱ chixchꞌolobanquil chiku li naxye saꞌ li Santil Hu, chanqueb.

Q'eqchi Bible

³² Ut ke'xye chirib'ileb' rib': —Ma ink'a' tab'i' naxamnak li qach'ool naq yo chaq chi qaatinankil sa' b'e ut yo xch'olob'ankil chiqu li Santil Hu?

San Lucas 24:32 ပူးပေါင်းရင်းမြစ်များ

San Lucas 24:45

Ut quixqꞌueheb xnaꞌleb re nak teꞌxtau ru li tzꞌi̱banbil saꞌ li Santil Hu.

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Jeremías 23:29

¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Salmos 39:3

Yo̱ chi yotꞌecꞌ li cua̱m xban li raylal cuanquin cuiꞌ. Nak nin-oc xcꞌoxlanquil lin raylal, kꞌaxal cuiꞌchic naniman. Chanchan cuan saꞌ xam li cua̱m nak nacuecꞌa. Joꞌcan nak xinpatzꞌ re li Ka̱cuaꞌ:

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Proverbios 27:17

Li chꞌi̱chꞌ riqꞌuin chꞌi̱chꞌ ajcuiꞌ nakꞌesna̱c. Joꞌcan ajcuiꞌ li cui̱nk. Cui̱nk ajcuiꞌ ta̱qꞌuehok xnaꞌleb.

San Juan 6:63

Li naqꞌuehoc junelic yuꞌam, aꞌan li Santil Musikꞌej. Aꞌan ma̱cuaꞌ re li tibelej. La̱in xinchꞌolob xya̱lal che̱ru. Li xinye e̱re yebil cue xban li Santil Musikꞌej. Cui te̱pa̱b li cꞌaꞌru xinye, li Santil Musikꞌej tixqꞌue e̱re li junelic yuꞌam.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Salmos 104:34

Chicuulak ta chiru li Ka̱cuaꞌ li cꞌaꞌru nincꞌoxla chirix. Li Ka̱cuaꞌ aꞌan li naqꞌuehoc xsahil inchꞌo̱l.

Proverbios 27:9

Li sununquil ban naxqꞌue sahil chꞌo̱lej. Ut naxqꞌue ajcuiꞌ xsahil xchꞌo̱l li cha̱bil naꞌleb li nequeꞌxqꞌue li amigos.

San Marcos 4:34

Ut ma̱cꞌaꞌ cꞌaꞌru quixye li Jesús reheb li tenamit chi ma̱cuaꞌ ta saꞌ jaljo̱quil ru a̱tin. Abanan nak ac xjuneseb chic lix tzolom, quixchꞌolob lix ya̱lal chiruheb.