San Lucas 24:11 - Li Santil hu

¹¹ Abanan eb li junlaju chi apóstol incꞌaꞌ queꞌxpa̱b li cꞌaꞌru queꞌxye li ixk. Saꞌ xchꞌo̱leb aꞌan nak moco ya̱l ta li yo̱queb chixyebal.

Q'eqchi Bible

¹¹ Ab'anan eb' li apóstol ke'xk'oxla naq moko yaal ta chixjunil li neke'xye eb' li ixq, ut ink'a' ke'xpaab'.

San Lucas 24:11 ပူးပေါင်းရင်းမြစ်များ

San Marcos 16:11

Ut lix María quixserakꞌi reheb nak yoꞌyo li Jesús ut nak quiril ru. Abanan eb aꞌan incꞌaꞌ queꞌxpa̱b li cꞌaꞌru quixye.

San Lucas 24:25

Ut li Jesús quixye reheb: —¡La̱ex ma̱cꞌaꞌ e̱naꞌleb ut a̱l le̱ chꞌo̱l chixpa̱banquil chixjunil li cꞌaꞌru queꞌxye chak li profeta!

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Li xHu LAJ JOB 9:16

Usta ta li Dios ta̱rabi li cꞌaꞌru nintzꞌa̱ma chiru, incꞌaꞌ ninpa̱b nak tixsume ta lin tij.

Génesis 19:14

Ut laj Lot co̱ chixyebal reheb li cui̱nk li teꞌsumla̱k cuiꞌ lix rabin ut quixye reheb: —Elenkex saꞌ li tenamit aꞌin ut ayukex chi najt xban nak li Ka̱cuaꞌ Dios oc re chixsachbal ru li tenamit, chan. Abanan eb li cui̱nk aꞌan incꞌaꞌ queꞌxpa̱b li cꞌaꞌru quixye laj Lot.

Hechos 12:9

Laj Pedro co̱ chirix li ángel. Abanan incꞌaꞌ naxnau nak tzꞌakal ya̱l li yo̱ chixba̱nunquil li ángel. Saꞌ xchꞌo̱l laj Pedro nak visión li yo̱ chirilbal.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

San Marcos 16:13

Eb aꞌan queꞌco̱eb ut coxeꞌxye resil reheb li jun chꞌol chic. Ut chi moco li cuib aꞌan queꞌxpa̱b.

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

San Lucas 24:41

Cꞌajoꞌ nak quisahoꞌ saꞌ xchꞌo̱leb. Abanan toj sachso̱queb xchꞌo̱l. Incꞌaꞌ queꞌxnau ma ya̱l li yo̱queb chirilbal malaj ut incꞌaꞌ. Ut li Jesús quixye reheb: —¿Ma cuan caꞌchꞌinak tzacae̱mk e̱riqꞌuin? chan reheb.