San Lucas 23:5 - Li Santil hu

⁵ Abanan eb aꞌan yalyo̱queb xkꞌe chixyebal: —Naxpoꞌ xchꞌo̱leb li katenamit. Yo̱ chixcꞌutbal lix tijleb chiruheb saꞌ chixjunil Judea. Quixtiquib chak Galilea ut xcꞌulun toj arin, chanqueb.

Q'eqchi Bible

⁵ A'ut eb' a'an kaw chik ke'xye: —Naxpo' xch'ooleb' li tenamit, yo chi xtzolb'aleb' sa' chixjunil Judea: xtikib' chaq Galilea ut xk'ulunk toj arin.

San Lucas 23:5 ပူးပေါင်းရင်းမြစ်များ

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 1:43

Joꞌ cuulajak chic li Jesús quiraj xic sa li naꞌajej Galilea. Quixtau laj Felipe ut quixye re: —China̱ta̱ke, chan.

San Marcos 1:14

Ac cuan laj Juan laj Cubsihom Haꞌ saꞌ tzꞌalam nak co̱ li Jesús Galilea ut yo̱ chixjulticanquil resil li colba-ib li naxqꞌue li Dios.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

Hechos 23:10

Kꞌaxal cuiꞌchic queꞌxcuechꞌi ribeb. Quichal xxiu li coronel ut quixcꞌoxla nak ma̱re teꞌxpedasi laj Pablo. Quixbokeb li soldado ut quixtaklaheb chirisinquil laj Pablo chiruheb re teꞌxcꞌam cuiꞌchic saꞌ li cuartel.

Hechos 10:37

La̱ex nequenau cꞌaꞌru quicꞌulman saꞌ chixjunil li tenamit Judea. Quiticla aran Galilea nak ac xchꞌoloba̱c resil li cubi haꞌ xban laj Juan.

Hechos 7:57

Ut eb li tenamit xicꞌ queꞌrabi li quixye ut queꞌxtzꞌap lix xiqueb ut queꞌxjap reheb chi cau xban xjoskꞌileb ut jun xiquiqueb saꞌ xbe̱n nak queꞌxchap.

Hechos 7:54

Nak queꞌrabi li cꞌaꞌru yo̱ chixyebal laj Esteban, cꞌajoꞌ nak queꞌjoskꞌoꞌ. Queꞌxcꞌuxuxi li ruch re xbaneb xjoskꞌil.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

San Juan 19:15

Queꞌxjap cuiꞌchic reheb chixyebal: —¡Qꞌuehomak chiru cruz! ¡Qꞌuehomak chiru cruz! Ut laj Pilato quixye reheb: —¿Ma te̱raj nak tinqꞌue chiru cruz le̱ rey? chan. Eb li xbe̱nil aj tij queꞌxye: —Jun ajcuiꞌ li karey cuan. Aꞌan li Acuabej César, chanqueb.

San Juan 7:52

Queꞌchakꞌoc ut queꞌxye re: —¿Ma la̱at ajcuiꞌ aj Galilea la̱at? Tzol a̱cuib chi us saꞌ li Santil Hu re ta̱qꞌue retal nak ma̱ jun profeta chalenak chak Galilea, chanqueb.

San Juan 7:41

Ut cuanqueb ajcuiꞌ queꞌxye: —Li cui̱nk aꞌin, aꞌan li Cristo.— Abanan cuanqueb cuiꞌchic li queꞌchakꞌoc ut queꞌxye: —¿Ma Galilea ta biꞌ ta̱cha̱lk li Cristo li yechiꞌinbil ke?

San Lucas 23:23

Abanan eb aꞌan kꞌaxal cau cuiꞌchic queꞌxjap re chixyebal: —¡Qꞌue chiru cruz!— Japjo̱queb re li tenamit joꞌ eb ajcuiꞌ laj tij toj retal quixba̱nu laj Pilato li cꞌaꞌru queꞌraj.

San Lucas 11:53

Ut nak quirakeꞌ chixyebal eb li a̱tin aꞌin, cꞌajoꞌ nak queꞌjoskꞌoꞌ eb laj tzolol chakꞌrab ut eb laj fariseo. Queꞌoc chixchꞌiꞌchꞌiꞌinquil ut nabal li cꞌaꞌak re ru yo̱queb chixpatzꞌbal re.

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

Salmos 69:4

Nabaleb li xicꞌ nequeꞌiloc cue. Kꞌaxal cuiꞌchic nabaleb chiru xqꞌuial li cuismal. Nequeꞌnumta saꞌ inbe̱n. Nequeꞌraj insachbal usta ma̱cꞌaꞌ inma̱c chiruheb. ¿Ma ta̱ru̱k ta biꞌ tinkꞌajsi reheb li incꞌaꞌ xcuelkꞌa chiruheb?

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

Salmos 22:16

Li incꞌaꞌ useb xnaꞌleb li yo̱queb chixba̱nunquil raylal cue, chanchaneb jun chꞌu̱tal chi joskꞌ aj tzꞌiꞌ teꞌraj tiꞌoc. Xeꞌxhop li cuok ut xeꞌxhop li cuukꞌ.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.

San Mateo 11:1

Nak quirakeꞌ li Jesús chixtaklanquileb chi xic chi cꞌanjelac lix tzolom cablaju, qui-el aran ut co̱ chixchꞌolobanquil lix ya̱lal saꞌ eb li tenamit.

San Lucas 23:6

Nak laj Pilato quirabi nak queꞌxpatzꞌ Galilea, quixpatzꞌ reheb: —¿Ma Galilea xtenamit li cui̱nk aꞌin? chan reheb.