San Lucas 23:43 - Li Santil hu

⁴³ Ut li Jesús quixye re: —Relic chi ya̱l tinye a̱cue nak ho̱n ajcuiꞌ cua̱nkat cuiqꞌuin saꞌ li paraíso, chan re.

Q'eqchi Bible

⁴³ Kixye li Jesus re: —Relik chi yaal ninye aawe naq hoon ajwi' wanqat wik'in sa' linloq'laj na'aj.

San Lucas 23:43 ပူးပေါင်းရင်းမြစ်များ

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

San Juan 14:3

Nak ac xya̱loꞌ le̱ naꞌaj, tincha̱lk cuiꞌchic ut texincꞌam cuiqꞌuin re nak bar cua̱nkin la̱in, aran ajcuiꞌ cua̱nkex la̱ex.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Filipenses 1:23

Chꞌaꞌaj chokꞌ cue xnaubal bar cuan li kꞌaxal us. Nacuaj raj ca̱mc re nak tinxic riqꞌuin li Cristo. Aꞌan raj li kꞌaxal us chokꞌ cue la̱in.

2 Corintios 5:8

La̱in ninye nak cau kachꞌo̱l riqꞌuin li Dios. Nakaj raj ca̱mc ut xcanabanquil li katzꞌejcual aꞌin re nak naru toxic saꞌ choxa chi cua̱nc riqꞌuin li Ka̱cuaꞌ Jesucristo.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

San Lucas 23:42

Ut li cui̱nk aꞌan quixye ajcuiꞌ re li Jesús: —At Ka̱cuaꞌ, chinjulticokꞌ taxak a̱cue nak tat-oc saꞌ la̱ nimajcual cuanquilal, chan.