San Lucas 23:34 - Li Santil hu

³⁴ Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

Q'eqchi Bible

³⁴ Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

San Lucas 23:34 ပူးပေါင်းရင်းမြစ်များ

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Romanos 12:14

Chetzꞌa̱ma rusilal li Dios saꞌ xbe̱neb li xicꞌ nequeꞌiloc e̱re. Me̱tzꞌa̱ma raylal saꞌ xbe̱neb.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

Salmos 22:18

Xeꞌxbu̱li rix li cuakꞌ ut xeꞌxjeqꞌui chirixeb.

Génesis 50:17

Aꞌin li ra̱tin li kayucuaꞌ. “Tintzꞌa̱ma cha̱cuu nak ta̱cuy xma̱queb la̱ cuas riqꞌuin li cꞌaꞌru xeꞌxba̱nu chak a̱cue junxil,” chan ke. Ut anakcuan la̱o yo̱co chixtzꞌa̱manquil cha̱cuu. La̱o nakanau nak yibru kaba̱nu chak a̱cue junxil. La̱o nakalokꞌoni li Dios li quixlokꞌoni li kayucuaꞌ camenak, chanqueb re laj José. Nak laj José quirabi li ra̱tineb li ras, quiya̱bac.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

Hechos 3:17

Joꞌcan ut ex cuas cui̱tzꞌin, la̱in ninnau nak queqꞌue chi camsi̱c li Jesús xban nak incꞌaꞌ nequenau xya̱lal joꞌqueb ajcuiꞌ li nequeꞌtaklan saꞌ e̱be̱n.

1 Corintios 4:12

Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

San Marcos 15:24

Tojoꞌnak queꞌxqꞌue chiru cruz. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re li junju̱nk.

San Mateo 11:26

Xaba̱nu chi joꞌcan xban nak joꞌcan xcuulac cha̱cuu, chan li Jesús nak quitijoc.

San Lucas 22:42

Quixye: —At inyucuaꞌ, cui la̱at ta̱cuaj, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in, chan.

San Juan 17:9

La̱in incꞌaꞌ yo̱quin chixtzꞌa̱manquil a̱cue nak ta̱tenkꞌaheb li incꞌaꞌ xineꞌxpa̱b. Yo̱quin ban chixtzꞌa̱manquil cha̱cuu nak ta̱tenkꞌaheb lin tzolom li xakꞌaxtesiheb cue xban nak aꞌaneb la̱ cualal a̱cꞌajol.

Hechos 16:28

Ut laj Pablo quixjap re chi cau ut quixye: —Ma̱camsi a̱cuib. Chikajunilo cuanco arin, chan.