San Lucas 23:2 - Li Santil hu

² Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

Q'eqchi Bible

² ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

San Lucas 23:2 ပူးပေါင်းရင်းမြစ်များ

San Juan 19:12

Ut chalen aꞌan laj Pilato yo̱ chixsicꞌbal chanru nak ta̱rachꞌab li Jesús. Abanan eb laj judío queꞌxjap reheb ut queꞌxye: —Cui nacacuachꞌab li cui̱nk aꞌan, la̱at ma̱cuaꞌakat chic rami̱g li Acuabej César. Li ani naraj xqꞌuebal rib chokꞌ rey, li jun aꞌan xicꞌ chic naril li Acuabej, chanqueb.

San Lucas 23:14

Quixye reheb: —La̱ex xecꞌam chak li cui̱nk aꞌin cuiqꞌuin ut xeye nak naxpoꞌ xchꞌo̱leb li tenamit. La̱in xinpatzꞌi re che̱ru ut incꞌaꞌ xintau junak xma̱c joꞌ yo̱quex chixyebal la̱ex.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

San Juan 18:30

Queꞌchakꞌoc ut queꞌxye re: —Cui ta ma̱cꞌaꞌ xma̱c, incꞌaꞌ raj xkacꞌam chak a̱cuiqꞌuin re nak tatrakok a̱tin saꞌ xbe̱n, chanqueb.

San Marcos 12:17

Ut li Jesús quixye reheb: —Tojomak re li acuabej li cꞌaꞌru re li acuabej ut tojomak re li Dios li cꞌaꞌru re li Dios, chan. Ut cꞌajoꞌ nak queꞌsach xchꞌo̱leb xban li ra̱tin.

San Mateo 22:21

Ut queꞌchakꞌoc ut queꞌxye re: —Re li Acuabej, chanqueb. Ut li Jesús quixye cuiꞌchic reheb: —Tojomak biꞌ re li Acuabej li cꞌaꞌru re li Acuabej, ut tojomak re li Dios li cꞌaꞌru re li Dios, chan.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Salmos 62:4

Junes cuisinquil saꞌ lin cuanquil nequecꞌoxla. Junes li ticꞌtiꞌ nacuulac che̱ru la̱ex. Nequeqꞌue raj inlokꞌal nak nequeye e̱rib, abanan moco joꞌcan ta saꞌ e̱chꞌo̱l. Saꞌ e̱chꞌo̱l niquine̱tzꞌekta̱na.

Hechos 24:13

Ut eb laj jitol cue incꞌaꞌ naru nequeꞌxye nak ya̱l li cꞌaꞌru yo̱queb chixyebal xban nak ma̱cꞌaꞌ junak retalil naru naxcꞌut nak ya̱l.

San Lucas 23:5

Abanan eb aꞌan yalyo̱queb xkꞌe chixyebal: —Naxpoꞌ xchꞌo̱leb li katenamit. Yo̱ chixcꞌutbal lix tijleb chiruheb saꞌ chixjunil Judea. Quixtiquib chak Galilea ut xcꞌulun toj arin, chanqueb.

San Mateo 17:27

Usta incꞌaꞌ raj tento tintoj la̱in, abanan re nak meꞌxpoꞌ xchꞌo̱leb kaban, la̱in tintoj. Ayu saꞌ a̱nil ut cut la̱ chapleb car saꞌ li palau. Ut li xbe̱n li car li ta̱chap chak, ta̱te lix tzꞌu̱mal re. Aran ta̱tau jun li tumin. Ta̱cꞌam ut riqꞌuin aꞌan ta̱toj li cue ut ta̱toj ajcuiꞌ la̱ cue, chan.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Salmos 35:11

Nabal nequeꞌkꞌaban cue ut nequeꞌxqꞌue saꞌ inbe̱n li ma̱c li incꞌaꞌ xinba̱nu.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

San Mateo 27:11

Queꞌxcꞌam li Jesús ut queꞌxxakab chiru laj Pilato li acuabej. Ut laj Pilato quixpatzꞌ re: —¿Ma la̱at lix Reyeb laj judío?— Li Jesús quichakꞌoc ut quixye re: —Ya̱l li xaye nak la̱in.—

San Marcos 15:2

Laj Pilato quixye re li Jesús: —¿Ma la̱at lix reyeb laj judío?— Li Jesús quichakꞌoc ut quixye re: —Ya̱l li xaye nak la̱in.—

San Juan 18:29

Xban nak incꞌaꞌ queꞌoc saꞌ li cab, laj Pilato qui-el chirix cab ut quixye reheb: —¿Cꞌaꞌru xma̱c li cui̱nk aꞌin nak xexchal chixjitbal? chan reheb.

Romanos 13:7

Chetojak li cꞌaꞌak re ru tento xtojbal. Cheqꞌuehak xcuanquileb li cuanqueb saꞌ xcuanquil ut che-oxlokꞌiheb li cuanqueb saꞌ xcꞌanjel.