San Lucas 23:11 - Li Santil hu

¹¹ Laj Herodes ut eb li soldado queꞌxtzꞌekta̱na ut queꞌxhob. Queꞌretzꞌu ut queꞌxqꞌue li cha̱bil tꞌicr chirix joꞌ nequeꞌrocsi li rey. Ut laj Herodes quixtakla cuiꞌchic riqꞌuin laj Pilato.

Q'eqchi Bible

¹¹ Ab'anan laj Herodes naq ak xtz'eqtaana ut xreetz'u li Jesus, rochb'eeneb' laj puub' li wankeb' rik'in, kixk'e jun xchaq'alil ru aq'ej chirix ut kixtaqla wi' chik rik'in laj Pilaat.

San Lucas 23:11 ပူးပေါင်းရင်းမြစ်များ

Isaías 53:3

Xicꞌ qui-ileꞌ ut quitzꞌekta̱na̱c xbaneb li cuanqueb saꞌ ruchichꞌochꞌ. Junes rahil chꞌo̱lejil quixcꞌul ut quixcuy li rahobtesi̱c. Ma̱ ani quiraj iloc re. Quikatzꞌekta̱na ut ma̱cꞌaꞌ na-oc cuiꞌ chiku nak quikil.

San Juan 19:5

Ut li Jesús qui-el chirix cab. Cuan saꞌ xjolom li corona li yi̱banbil riqꞌuin qꞌuix ut cuan li caki tꞌicr chirix. Laj Pilato quixye reheb: —Cueꞌ li cui̱nk. Ilomak, chan.

San Marcos 9:12

Ut nak quichakꞌoc li Jesús quixye reheb: —Ya̱l ajcuiꞌ tzꞌi̱banbil retalil nak laj Elías xbe̱n cua ta̱cha̱lk chixcꞌu̱banquil chixjunil li cꞌaꞌak re ru. Ut tzꞌi̱banbil ajcuiꞌ saꞌ li Santil Hu chicuix la̱in li Alalbej nak nabal li raylal tincꞌul ut tineꞌxtzꞌekta̱na.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Salmos 22:6

Chiruheb li tenamit chanchan li ma̱cuaꞌin chic cristian. Chanchanin chic li motzoꞌ chiruheb. Tzꞌekta̱nanbilin xbaneb ut xicꞌ niquineꞌril.

San Mateo 14:1

Saꞌ eb li cutan aꞌan laj Herodes li acuabej quirabi resil li cꞌaꞌru yo̱ chixba̱nunquil li Jesús.

San Mateo 14:3

Ac junxil laj Herodes quixtakla xchapbal laj Juan. Queꞌxbacꞌ riqꞌuin cadena ut queꞌxqꞌue saꞌ tzꞌalam. Laj Herodes quixba̱nu chi joꞌcan yal xban nak joꞌcan quiraj lix Herodías. Lix Herodías aꞌan li rixakil laj Felipe li ri̱tzꞌin laj Herodes. Ut laj Herodes quixcꞌam chokꞌ rixakil.

San Mateo 14:6

Ut saꞌ xninkꞌeinquil lix chihab laj Herodes, lix coꞌ lix Herodías quixajoc chiruheb chixjunileb li ulaꞌ. Ut cꞌajoꞌ nak quicuulac chiru laj Herodes.

San Lucas 23:10

Cuanqueb aran eb li xbe̱nil aj tij ut eb laj tzꞌi̱b. Cꞌajoꞌ lix joskꞌileb nak yo̱queb chixjitbal.

Santiago 2:2

Ma̱re teꞌcuulak cuibak li cui̱nk bar chꞌutchꞌu̱quex cuiꞌ chixlokꞌoninquil li Dios. Ma̱re li jun kꞌaxal cha̱bil xtikibanquil ut cuan xmatkꞌab oro. Ut li jun chic ma̱re nebaꞌ ut kꞌel li rakꞌ.

Santiago 2:3

Ma̱re caꞌaj cuiꞌ li cha̱bil xtikibanquil te̱qꞌue saꞌ xnakꞌ e̱ru ut te̱ye re: Chunlan arin saꞌ li cha̱bil naꞌajej. Aꞌut li nebaꞌ te̱ye re: Chunlan arin saꞌ chꞌochꞌ malaj ut cana̱kat chi xakxo toj leꞌ.