San Lucas 22:69 - Li Santil hu

⁶⁹ Ut chalen anakcuan la̱in li Cꞌajolbej tincꞌojla̱k saꞌ xnim ukꞌ li nimajcual Dios, chan.

Q'eqchi Bible

⁶⁹ Chalen ut anaqwan li K'ajolb'ej taak'ojlaaq sa' xnim uq' li Nimajwal Yos.

San Lucas 22:69 ပူးပေါင်းရင်းမြစ်များ

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

San Marcos 16:19

Nak ac xra̱tinaheb lix tzolom li Ka̱cuaꞌ Jesucristo, quicꞌameꞌ saꞌ choxa xban li Dios, ut quicꞌojla saꞌ xnim ukꞌ li Acuabej Dios.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

San Marcos 14:62

Ut li Jesús quixye: —La̱in. Ut saꞌ jun cutan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut te̱ril ajcuiꞌ nak yo̱kin chak chi cha̱lc saꞌ li chok saꞌ choxa, chan.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

San Mateo 22:44

Li Ka̱cuaꞌ Dios quixye re li Ka̱cuaꞌ laj Colol cue, cꞌojlan saꞌ lin nim ukꞌ toj tinqꞌueheb li xicꞌ nequeꞌiloc a̱cue rubel la̱ cuanquil, chan. (Sal. 110:1)

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Hebreos 8:1

Aꞌan aꞌin xya̱lal li yo̱co chixyebal e̱re: ya̱l nak cuan jun tzꞌakal xyucuaꞌil aj tij nacꞌanjelac chikix. Aꞌan li Jesucristo li cꞌojcꞌo chak saꞌ xnim ukꞌ li Dios saꞌ lix nimajcual xcuanquilal saꞌ choxa.

Colosenses 3:1

Chanchan nak xexcuacli cuiꞌchic chi yoꞌyo e̱rochben li Cristo nak xexpa̱ban. Acꞌ chic le̱ yuꞌam. Joꞌcan nak qꞌuehomak e̱chꞌo̱l chixba̱nunquil li cha̱bil naꞌleb ut chexcꞌoxlak chirix li cuan saꞌ choxa bar cuan cuiꞌ li Cristo cꞌojcꞌo saꞌ xnim ukꞌ li Dios xban nak kꞌaxal nim xcuanquil.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

San Lucas 22:68

Ut cui tinpatzꞌok e̱re, incꞌaꞌ aj raj cuiꞌ te̱sume li cꞌaꞌru tinpatzꞌ, chi moco tine̱rachꞌab.