San Lucas 22:63 - Li Santil hu

⁶³ Eb li cui̱nk li yo̱queb chi cꞌacꞌale̱nc re li Jesús, queꞌxhob ut queꞌxsacꞌ.

Q'eqchi Bible

⁶³ Eb' li winq li yookeb' chi k'aak'alenk re li Jesus ke'ok chi reetz'unkil ut chi xteninkil;

San Lucas 22:63 ပူးပေါင်းရင်းမြစ်များ

San Juan 18:22

Nak quixye aꞌan, jun reheb li nequeꞌcꞌacꞌalen saꞌ li templo quixsacꞌ saꞌ xnakꞌ ru li Jesús ut quixye re: —¿Cꞌaꞌut nak nacasume li xyucuaꞌil aj tij chi joꞌcan? chan re.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Miqueas 5:1

Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.

Isaías 53:3

Xicꞌ qui-ileꞌ ut quitzꞌekta̱na̱c xbaneb li cuanqueb saꞌ ruchichꞌochꞌ. Junes rahil chꞌo̱lejil quixcꞌul ut quixcuy li rahobtesi̱c. Ma̱ ani quiraj iloc re. Quikatzꞌekta̱na ut ma̱cꞌaꞌ na-oc cuiꞌ chiku nak quikil.

Isaías 52:14

Nabaleb li cristian queꞌxucuac nak queꞌril. Incꞌaꞌ queꞌxnau ru xban nak ma̱cuaꞌ chic ru cristian li ru xban nak numtajenak li raylal li qui-ux re.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Salmos 35:25

Incꞌaꞌ taxak teꞌxcꞌoxla ut teꞌxye: Aꞌan li xkaj nak tixcꞌul. Anakcuan la̱o xonumta saꞌ xbe̱n. At Ka̱cuaꞌ, la̱in incꞌaꞌ nacuaj teꞌxye cue chi joꞌcan.

Salmos 22:13

Teꞌraj xba̱nunquil raylal cue. Chanchaneb li cakcoj nak nequeꞌxjap re ut teꞌraj tiꞌoc.

San Lucas 22:62

Laj Pedro qui-el chirix cab ut cꞌajoꞌ nak quiya̱bac xban xrahil xchꞌo̱l.

San Juan 18:19

Li xyucuaꞌil aj tij qui-oc chixpatzꞌbal re li Jesús chirixeb lix tzolom ut chirix ajcuiꞌ li tijleb li naxcꞌut.