San Lucas 22:44 - Li Santil hu

⁴⁴ Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

Q'eqchi Bible

⁴⁴ Ut naq yo chi k'aachi'ik, kaw chik ki'ok chi tijok: li xtiqob' kama' ninqi tz'uqul chi kik' naq kit'ane'k sa' ch'och'.

San Lucas 22:44 ပူးပေါင်းရင်းမြစ်များ

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

San Juan 12:27

Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

San Lucas 22:45

Nak quirakeꞌ chi tijoc, quicuacli ut co̱ riqꞌuineb lix tzolom. Quiril nak yo̱queb chi cua̱rc xban nak kꞌaxal ra saꞌ xchꞌo̱leb.