San Lucas 22:38 - Li Santil hu

³⁸ Eb aꞌan queꞌxye: —Ka̱cuaꞌ, cuan arin cuib li chꞌi̱chꞌ, chanqueb. Ut li Jesús quixye: —Tzꞌakal li xeye. Mex-a̱tinac chic.

Q'eqchi Bible

³⁸ Ke'xye eb' a'an: —At Qaawa', wiib' li ch'iich' wankeb' arin. Ut a'an kixye reheb': —Tz'aqal li xinye.

San Lucas 22:38 ပူးပေါင်းရင်းမြစ်များ

San Lucas 22:49

Ut li cuanqueb rochben queꞌril li cꞌaꞌru yo̱ chixba̱nunquil ut queꞌxpatzꞌ re: —Ka̱cuaꞌ, ¿ma takaqꞌueheb chi chꞌi̱chꞌ? chanqueb.

San Juan 18:36

Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.

1 Pedro 5:9

Me̱qꞌue e̱rib chi a̱le̱c xban laj tza. Cauhak ban e̱chꞌo̱l saꞌ le̱ pa̱ba̱l. Michꞌinan e̱chꞌo̱l nak ta̱cha̱lk junak raylal saꞌ e̱be̱n. Nequenau nak ma̱cuaꞌ caꞌaj cuiꞌ la̱ex yo̱quex chi cꞌuluc raylal. Joꞌcan ajcuiꞌ nequeꞌxcꞌul le̱ rech aj pa̱banelil yalak bar jun sut saꞌ ruchichꞌochꞌ.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

San Mateo 26:51

Ut jun reheb li rochben li Jesús quirisi chak lix chꞌi̱chꞌ ut quixchꞌot lix xic lix mo̱s li xbe̱nil aj tij.

San Lucas 22:36

Quixye cuiꞌchic li Jesús reheb: —Ut anakcuan li ani cuan xbo̱ls, xcꞌamak chirix joꞌ ajcuiꞌ xnaꞌaj lix tumin. Ut li ani ma̱cꞌaꞌ xchꞌi̱chꞌ, tixcꞌayi lix chaque̱t ut xlokꞌak xchꞌi̱chꞌ chiru li tumin aꞌan.