San Lucas 22:37 - Li Santil hu

³⁷ Relic chi ya̱l ninye e̱re nak tento ta̱tzꞌaklok ru li cꞌaꞌru tzꞌi̱banbil chicuix saꞌ li Santil Hu, li naxye chi joꞌcaꞌin: Quiqꞌueheꞌ saꞌ ajl saꞌ xya̱nkeb li incꞌaꞌ useb xnaꞌleb. Tento nak ta̱cꞌulma̱nk li cꞌaꞌru tzꞌi̱banbil retalil chicuix, chan.

Q'eqchi Bible

³⁷ Ninye eere naq tento taatz'aqloq ru wik'in li tz'iib'anb'il chaq sa' li Santil Hu: «Xe'xk'e sa' ajl sa' xyanqeb' li ink'a' useb' xch'ool». Xb'aan naq tz'aqlok re li tz'iib'anb'il chaq chiwix.

San Lucas 22:37 ပူးပေါင်းရင်းမြစ်များ

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

San Lucas 23:32

Queꞌxcꞌam ajcuiꞌ rochben li Jesús cuibeb li cui̱nk li cuanqueb xma̱c re teꞌcamsi̱k rochben li Jesús.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

San Juan 17:4

La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.

San Lucas 18:31

Tojoꞌnak li Jesús quixcꞌameb xjuneseb lix tzolom cablaju ut quixye reheb: —Anakcuan toxic Jerusalén re nak ta̱tzꞌaklok ru chixjunil li tzꞌi̱banbil xbaneb li profeta chicuix la̱in li Cꞌajolbej.

San Lucas 22:22

Tento nak tincamsi̱k la̱in li Cꞌajolbej. Abanan raylal cuan saꞌ xbe̱n li cui̱nk li ta̱kꞌaxtesi̱nk cue, chan li Jesús.

San Marcos 15:27

Ut cuib laj e̱lkꞌ queꞌqꞌueheꞌ chiru cruz rochben, jun saꞌ xnim ukꞌ ut jun saꞌ xtzꞌe.

San Lucas 22:36

Quixye cuiꞌchic li Jesús reheb: —Ut anakcuan li ani cuan xbo̱ls, xcꞌamak chirix joꞌ ajcuiꞌ xnaꞌaj lix tumin. Ut li ani ma̱cꞌaꞌ xchꞌi̱chꞌ, tixcꞌayi lix chaque̱t ut xlokꞌak xchꞌi̱chꞌ chiru li tumin aꞌan.

San Lucas 22:52

Ut quixye reheb li xbe̱nil aj tij, ut eb li nequeꞌtaklan saꞌ li templo, joꞌqueb ajcuiꞌ li nequeꞌcꞌamoc be, li queꞌchal chixchapbal: —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ?

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

San Marcos 15:28

Joꞌcan nak quitzꞌakloc ru li naxye saꞌ li Santil Hu: Aꞌan quiqꞌueheꞌ saꞌ ajl saꞌ xya̱nkeb laj ma̱c. (Isa. 53:12)