San Lucas 22:29 - Li Santil hu

²⁹ Joꞌcan nak tinqꞌue e̱cuanquil la̱ex joꞌ nak xqꞌue incuanquil la̱in lin Yucuaꞌ.

Q'eqchi Bible

²⁹ ut laa'in texinxaqab' chi awab'ejink, jo' naq linYuwa' xinxxaqab' chi awab'ejink,

San Lucas 22:29 ပူးပေါင်းရင်းမြစ်များ

2 Timoteo 2:12

Cui takacuy xnumsinquil li raylal, ta̱qꞌuehekꞌ ajcuiꞌ kacuanquil xban li Dios kochben li Cristo. Ut cui la̱o nakatzꞌekta̱na, aꞌan toxtzꞌekta̱na ajcuiꞌ la̱o.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

San Mateo 24:47

Relic chi ya̱l tinye e̱re nak lix patrón tixkꞌaxtesi saꞌ rukꞌ, chixjunil lix juncablal.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

San Lucas 19:17

Li rey quixye re: —La̱at cha̱bil aj cꞌanjel. Us xaba̱nu. Xban nak ti̱c a̱chꞌo̱l riqꞌuin li caꞌchꞌin xinqꞌue a̱cue, joꞌcan nak tinqꞌue a̱cuanquil saꞌ xbe̱n laje̱b chi tenamit, chan li rey.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

1 Corintios 9:25

Li ani naxyal xkꞌe chi a̱linac naxcuy li raylal re nak ta̱cacuu̱k xmetzꞌe̱u. Nequeꞌxba̱nu aꞌan re xcꞌulbal junak ma̱tan na-osoꞌ. Joꞌcan ajcuiꞌ la̱o aj pa̱banel nakacuy li raylal ut nakacꞌul ajcuiꞌ kama̱tan. Abanan li ma̱tan nakacꞌul la̱o incꞌaꞌ na-osoꞌ. Aꞌan cuan chi junelic.

2 Corintios 1:7

La̱o nakanau nak cau e̱chꞌo̱l saꞌ le̱ pa̱ba̱l. Nakanau nak te̱cꞌul li raylal joꞌ yo̱co chixcꞌulbal la̱o. Abanan nakanau ajcuiꞌ nak ta̱cꞌojoba̱k e̱chꞌo̱l nak yo̱kex chixcꞌulbal li raylal joꞌ nak nacꞌojoba̱c kachꞌo̱l la̱o.

Apocalipsis 21:14

Cablaju li pec li qui-oc chokꞌ xcimiento li tzꞌac li sutsu cuiꞌ li tenamit. Ut chiruheb aꞌan tzꞌi̱banbil retalileb lix cꞌabaꞌeb li cablaju chi apóstol li queꞌcꞌanjelac chiru li Jun li chanchan carner.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

San Mateo 5:10

Us xak reheb li nequeꞌrahobtesi̱c saꞌ xcꞌabaꞌ li ti̱quilal, xban nak eb aꞌan cua̱nkeb chic rubel lix cuanquilal li Dios.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.