San Lucas 22:20 - Li Santil hu

²⁰ Joꞌcan ajcuiꞌ quixba̱nu nak ac xrakeꞌ chi cuaꞌac. Quixchap li secꞌ re ucꞌac ut quixye: —Aꞌan aꞌin retalil li acꞌ contrato li ta̱xakaba̱k xcuanquil riqꞌuin lin quiqꞌuel li ta̱hoyekꞌ nak tincamsi̱k saꞌ e̱cꞌabaꞌ la̱ex, chan.

Q'eqchi Bible

²⁰ Jo'kan ajwi' kixb'aanu rik'in li uk'leb'-sek', naq ak xraqe'k chi wa'ak: —Li sek' a'in a'an li Ak' Sumwank sa' xk'ab'a' linkik'el hoyb'il sa' eek'ab'a' laa'ex.

San Lucas 22:20 ပူးပေါင်းရင်းမြစ်များ

1 Corintios 11:25

Ut nak queꞌrakeꞌ chi cuaꞌac quixchap ajcuiꞌ li secꞌ ut quixye: Li ucꞌa aꞌin, aꞌan retalil li Acꞌ Contrato riqꞌuin li Dios. Ta̱xakaba̱nk re xcuanquil xban lin quiqꞌuel ta̱hoyekꞌ. Rajlal nak te̱rucꞌ xsaꞌ li secꞌ aꞌin, cheba̱nuhak re xjulticanquil lin camic saꞌ e̱cꞌabaꞌ la̱ex, chan li Jesús.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Éxodo 24:8

Ut laj Moisés quixchap li quicꞌ li xocbil saꞌ eb li ucꞌal ut quixrachrachi saꞌ xbe̱neb li tenamit. Ut quixye: —Li quicꞌ aꞌin, aꞌan retalil li contrato li quixba̱nu li Dios e̱riqꞌuin joꞌ tzꞌi̱banbil saꞌ li hu aꞌin, chan.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Jeremías 31:31

Ut quixye ajcuiꞌ li Dios: —Ta̱cuulak xkꞌehil nak la̱in tinba̱nu jun li acꞌ contrato riqꞌuineb li ralal xcꞌajol laj Israel, ut riqꞌuineb li ralal xcꞌajol laj Judá.

Hebreos 9:17

Li a̱tin aꞌin ma̱cꞌaꞌ xcꞌanjel nak toj yoꞌyo li xyehoc re. Toj chirix ban lix camic ta̱cꞌanjelak.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

Hebreos 9:15

Anakcuan cuan li acꞌ contrato xban xcamic li Jesucristo. Chixjunileb li bokbileb xban li Dios ta̱cua̱nk xcuybal lix ma̱queb, eb li queꞌcuan rubel xcuanquil li xbe̱n contrato joꞌ ajcuiꞌ la̱o li cuanco rubel xcuanquil li acꞌ contrato. Ut ta̱cua̱nk kayuꞌam chi junelic joꞌ quixyechiꞌi li Dios. Li Jesucristo quicam chiru cruz re kacolbal. Riqꞌuin lix lokꞌlaj quiqꞌuel quixtoj rix li kama̱c.

San Marcos 14:24

Ut li Jesús quixye reheb: —Aꞌan aꞌin lin quiqꞌuel li ta̱hoyekꞌ saꞌ xcꞌabaꞌeb chixjunileb ut aꞌan ta̱xakaba̱nk xcuanquil li Acꞌ Contrato.