San Lucas 21:37 - Li Santil hu

³⁷ Rajlal cutan li Jesús naxchꞌolob xya̱lal chiruheb saꞌ li templo ut nak na-ecuu, naxic saꞌ li tzu̱l Olivos chixnumsinquil li kꞌojyi̱n.

Q'eqchi Bible

³⁷ Li Jesus naxtzoleb' sa' rochoch li Yos chi kutan, ut chi q'eq naxik chi hilank chiru ke sa' xb'een li tzuul Olivos xk'ab'a';

San Lucas 21:37 ပူးပေါင်းရင်းမြစ်များ

San Lucas 22:39

Li Jesús qui-el aran ut co̱ saꞌ li tzu̱l Olivos, joꞌ cꞌaynak xba̱nunquil. Ut eb lix tzolom queꞌxta̱ke.

San Marcos 11:19

Nak qui-ecuu, qui-el li Jesús saꞌ li tenamit Jerusalén rochbeneb lix tzolom.

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Mateo 21:17

Ut li Jesús quixcanabeb ut qui-el saꞌ li tenamit ut co̱ toj Betania bar quihilan cuiꞌ.

San Mateo 21:1

Nak ac cuulaqueb re Jerusalén, queꞌcuulac chire li tenamit Betfagé bar cuan cuiꞌ li tzu̱l Olivos. Ut li Jesús quixtaklaheb cuibeb lix tzolom ut quixye reheb:

Hechos 1:12

Chirix aꞌan eb li apóstol queꞌcube chak saꞌ li tzu̱l Olivos ut queꞌco̱eb cuiꞌchic Jerusalén. Li tzu̱l aꞌan nachꞌ cuan riqꞌuin li tenamit Jerusalén, jun kilómetro tana xnajtil, joꞌ xnajtil li naru nequeꞌxbeni saꞌ li hiloba̱l cutan.

San Juan 12:1

Cuakib cutan chic ma̱ nacuulac xkꞌehil li ninkꞌe Pascua nak quicuulac li Jesús Betania. Aꞌan xtenamit laj Lázaro, li quicam ut quicuaclesi̱c cuiꞌchic chi yoꞌyo xban li Jesús.

San Lucas 19:37

Cuulaqueb re Jerusalén. Yo̱queb chak chi cubec saꞌ li tzu̱l Olivos ut chixjunileb li yo̱queb chixta̱kenquil li Jesús queꞌoc chixjapbal reheb xban xsahil xchꞌo̱leb. Ut queꞌxlokꞌoni li Dios xbaneb li milagro li quilajeꞌril.

San Marcos 11:12

Joꞌ cuulajak chic nak queꞌel aran Betania, quichal xtzꞌocajic li Jesús.

San Mateo 26:30

Nak ac xeꞌrakeꞌ xbichanquil jun li bich re xlokꞌoninquil li Dios, queꞌco̱eb saꞌ li tzu̱l Olivos.

Zacarías 14:4

Saꞌ eb li cutan aꞌan li Ka̱cuaꞌ ta̱xakli̱k saꞌ xbe̱n li tzu̱l Olivos li cuan jun pacꞌal li tenamit Jerusalén saꞌ releb sakꞌe. Ut li tzu̱l Olivos ta̱jachekꞌ saꞌ xyi ut tixjecꞌ rib. Ta̱ticla̱k saꞌ releb sakꞌe lix jachalal ut ta̱cuulak bar na-oc cuiꞌ li sakꞌe. Jun nimla ru takꞌa ta̱cana̱k saꞌ xyi li cuib jachal. Jun jachal li tzu̱l ta̱cana̱k saꞌ li norte ut li jun jachal chic ta̱cana̱k saꞌ li sur.

San Marcos 14:49

Rajlal cutan cuanquin saꞌ e̱ya̱nk che̱tzolbal saꞌ rochoch li Dios ut incꞌaꞌ quine̱chap. Abanan xcꞌulman chi joꞌcaꞌin re nak ta̱tzꞌaklok ru li tzꞌi̱banbil saꞌ li Santil Hu, chan li Jesús.

San Lucas 19:29

Cuulaqueb re saꞌ li cuib chi tenamit Betfagé ut Betania. Nachꞌ cuanqueb riqꞌuin li tzu̱l Olivos nak li Jesús quixtaklaheb cuib lix tzolom.

San Lucas 19:47

Ut rajlal cutan yo̱ chixchꞌolobanquil xya̱lal saꞌ li templo. Eb li xbe̱nil aj tij, ut eb laj tzꞌi̱b ut eb li nequeꞌtaklan saꞌ xya̱nkeb laj judío yo̱queb chixcꞌu̱banquil chanru nak teꞌxcamsi.

San Juan 18:2

Laj Judas Iscariote, li ta̱kꞌaxtesi̱nk re li Jesús, naxnau li naꞌajej aꞌan xban nak nabal sut quicuulac li Jesús aran rochbeneb lix tzolom.