San Lucas 21:25 - Li Santil hu

²⁵ Ut ta̱cua̱nk retalil chiru li sakꞌe, li po ut eb li chahim. Ut eb li cuanqueb saꞌ ruchichꞌochꞌ teꞌyotꞌekꞌ ut teꞌsach xchꞌo̱leb xban lix ya̱b ut lix cau ok li palau.

Q'eqchi Bible

²⁵ “Taawanq eetalil chiru li saq'e, chiru li po ut chiruheb' li chahim; ut te'yot'e'q ut te'sachq xch'ool li tenamit sa' ruuchich'och' xb'aan li xyaab' li xkaw oq li palaw;

San Lucas 21:25 ပူးပေါင်းရင်းမြစ်များ

Isaías 13:10

Li chahim ut lix sahob ru li choxa incꞌaꞌ chic teꞌlemtzꞌu̱nk. Ta̱kꞌojyi̱nokꞌ ru li sakꞌe usta tojeꞌ e̱lc yo̱ chak. Ut li po incꞌaꞌ chic tixcutanobresi li ruchichꞌochꞌ.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Hechos 2:19

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Isaías 51:15

La̱in li Ka̱cuaꞌ la̱ Dios. La̱in ninqꞌue chi ecꞌa̱nc li palau re nak ta̱ecꞌa̱nk ru. “Nimajcual Dios” incꞌabaꞌ.

San Marcos 13:26

Nak acak x-ecꞌan ru li choxa, teꞌril cuu la̱in li Cꞌajolbej nak yo̱kin chak chi cha̱lc saꞌ li chok riqꞌuin lix nimal incuanquil ut lin lokꞌal.

San Marcos 13:24

Ut saꞌ eb li cutan aꞌan nak ta̱cꞌulma̱nk li raylal, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru.

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

Salmos 46:3

Usta na-ecꞌan li tzu̱l nak naxsacꞌ rib lix cau ok li palau nak nachal, abanan la̱o incꞌaꞌ toxucuak.

San Marcos 15:33

Tuktu li cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut oxib o̱r re ecuu quicutanoꞌ cuiꞌchic.

Jeremías 4:23

Laj Jeremías quixye: —Nak quicuil li ruchichꞌochꞌ, ma̱cꞌaꞌ chic cuan chiru. Quicuil li choxa ut ma̱cꞌaꞌ chic lix cutan saken.

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Miqueas 7:4

Lix cha̱bilaleb li tenamit aꞌan chanchan li qꞌuix. Ut lix ti̱quilal chanchan li corral yi̱banbil riqꞌuin qꞌuix. Cuulac re xkꞌehil nak li Dios tixqꞌueheb chixtojbal rix lix ma̱queb joꞌ queꞌyeheꞌ reheb xbaneb li profeta. Anakcuan sachso̱keb xchꞌo̱l teꞌcana̱k.

Isaías 17:12

Raylal ta̱cha̱lk saꞌ xbe̱neb li xni̱nkal ru tenamit li nequeꞌchokin nak nequeꞌchal chi pletic. Chanchan li choki̱nc li naxba̱nu li palau, malaj ut joꞌ nak na-ecꞌan lix cau ok li haꞌ.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

San Lucas 21:26

Teꞌlucta̱k li cui̱nk xbaneb xxiu nak yo̱keb chixcꞌoxlanquil li raylal li ta̱cha̱lk saꞌ ruchichꞌochꞌ. Ut ta̱ecꞌa̱nk saꞌ xnaꞌaj li choxa.