San Lucas 21:22 - Li Santil hu

²² Ut saꞌ eb li cutan aꞌan, li Dios tixqꞌueheb chixtojbal rix lix ma̱queb li xicꞌ nequeꞌiloc re. Chi joꞌcan ta̱tzꞌaklok ru chixjunil li tzꞌi̱banbil retalil saꞌ li Santil Hu.

Q'eqchi Bible

²² xb'aan naq a'anaq xkutankil li q'ajkamunk ut taatz'aqloq ru chixjunil li tz'iib'anb'il chaq.

San Lucas 21:22 ပူးပေါင်းရင်းမြစ်များ

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Isaías 34:8

xban nak aꞌan li cutan nak li Ka̱cuaꞌ tixqꞌue re̱kaj reheb laj Edom li raylal queꞌxba̱nu reheb laj Israel. Aꞌan li chihab nak teꞌxcꞌul re̱kaj li ma̱usilal queꞌxba̱nu.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

San Mateo 1:22

Chixjunil aꞌan quicꞌulman re nak ta̱tzꞌaklok ru li quixye li profeta Isaías joꞌ nak quiyeheꞌ re xban li Ka̱cuaꞌ.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Deuteronomio 32:34

Li Ka̱cuaꞌ naxnau cꞌaꞌru queꞌxba̱nu li xicꞌ nequeꞌiloc reheb laj Israel. Cuan saꞌ xchꞌo̱l li cꞌaꞌru queꞌxba̱nu.