San Lucas 21:21 - Li Santil hu

²¹ Ut eb li cuanqueb saꞌ li naꞌajej Judea cheꞌe̱lelik saꞌ junpa̱t ut cheꞌxicak saꞌ eb li tzu̱l. Eb li cuanqueb saꞌ li tenamit Jerusalén cheꞌe̱lk aran ut eb li cuanqueb saꞌ cꞌaleba̱l incꞌaꞌ chic teꞌsukꞌi̱k saꞌ li tenamit.

Q'eqchi Bible

²¹ Toja' naq li wanqeb' Judea eleliqeb' ut che'xikaq toj chiru tzuul; li wanqeb' sa' xyi li tenamit, che'elq aran ut li wanqeb' sa' k'aleb'aal me'ok chik sa' li tenamit,

San Lucas 21:21 ပူးပေါင်းရင်းမြစ်များ

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Apocalipsis 18:4

Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

San Marcos 13:15

Cui cuan chak junak saꞌ xbe̱n li rochoch nak ta̱cꞌulma̱nk aꞌan, chi cubec chak ut ti̱c ta̱e̱lelik ut incꞌaꞌ chic ta̱oc saꞌ rochoch chirisinquil li cꞌaꞌru cuan re.

San Mateo 24:16

Nak te̱ril aꞌan, la̱ex li cuanquex Judea, chex-e̱lelik saꞌ junpa̱t ut texxic toj saꞌ li tzu̱l.

Jeremías 35:11

Ut nak laj Nabucodonosor, lix reyeb laj Babilonia, quichal chi pletic saꞌ li katenamit, xkaye chi kibil kib, “Toxic Jerusalén re nak toe̱lelik chiruheb li soldados aj Babilonia ut aj Siria. Ut chalen toj anakcuan cuanco arin Jerusalén,” chanqueb.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Números 16:26

Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

Génesis 19:26

Li rixakil laj Lot qui-iloc chirix ut aran quicana chokꞌ xpecal atzꞌam.

Génesis 19:17

Nak ac xeꞌel saꞌ li tenamit li cui̱nk quixye reheb: —A̱linankex re nak texcolekꞌ. Mex-iloc che̱rix chi moco te̱xakab e̱rib saꞌ li ru takꞌa. Ti̱c texxic toj saꞌ li tzu̱l re nak incꞌaꞌ tex-osokꞌ, chan reheb.

Jeremías 37:12

Nak ac xeꞌco̱eb laj Babilonia, laj Jeremías qui-el raj Jerusalén. Co̱ raj saꞌ lix naꞌajeb li ralal xcꞌajol laj Benjamín, re nak ta̱risi rib saꞌ xya̱nkeb li tenamit.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.