San Lucas 21:1 - Li Santil hu

¹ Saꞌ jun li cutan li Jesús cuan saꞌ li templo ut quiril nak eb li biom yo̱queb chixqꞌuebal lix mayejeb saꞌ li ca̱x.

Q'eqchi Bible

¹ Naq kixtaqsi li rilob'aal li Jesus, kiril wiib' oxib' li b'ihom yookeb' chi k'ehok tumin sa' li xkaaxil li mayej.

San Lucas 21:1 ပူးပေါင်းရင်းမြစ်များ

San Juan 8:20

Chixjunil aꞌin quixye li Jesús reheb nak yo̱ chixchꞌolobanquil lix ya̱lal chiruheb li cuanqueb saꞌ li templo saꞌ li naꞌajej bar nequeꞌxqꞌue cuiꞌ lix mayejeb. Ut ma̱ ani quichapoc re xban nak toj ma̱jiꞌ nacuulac xkꞌehil.

San Mateo 27:6

Ut eb lix be̱nil aj tij queꞌxxoc li tumin ut queꞌxye: —Incꞌaꞌ us xqꞌuebal li tumin aꞌin saꞌ xcaxil lix mayej li rochoch li Dios xban nak xtzꞌak xyuꞌam li cui̱nk.—

2 Crónicas 36:18

Lix reyeb laj Babilonia quirelkꞌa chixjunil li secꞌ li nacꞌanjelac saꞌ lix templo li Dios, joꞌ ni̱nk joꞌ cocꞌ. Quixcꞌam chixjunil li nacꞌanjelac saꞌ li templo li terto xtzꞌak. Ut quixcꞌam ajcuiꞌ li terto xtzꞌak li cuan saꞌ rochoch li rey joꞌ ajcuiꞌ li cuan saꞌ li rochocheb li nequeꞌcꞌanjelac chiru. Chixjunil li quirelkꞌa quixcꞌam Babilonia.

Nehemías 13:13

Ut la̱in quinxakabeb chokꞌ merto̱m laj Selemías laj tij, laj Sadoc laj tzꞌi̱b, ut laj Pedaías xcomoneb laj levita. Eb aꞌan teꞌilok reheb li cab li naxoqueꞌ cuiꞌ chixjunil li mayej. Ut quinxakab ajcuiꞌ laj Hanán li ralal laj Zacur chixtenkꞌanquileb. Laj Zacur, aꞌan li ralal laj Matanías. Quinxakabeb li cui̱nk aꞌin xban nak ti̱queb xchꞌo̱l. Ut aꞌaneb ajcuiꞌ li teꞌjeqꞌui̱nk re li mayej reheb li rech aj cꞌanjelil re nak cua̱nk cꞌaꞌru reheb re xnumsinquil li cutan junju̱nk.

2 Reyes 24:13

Quicꞌulman joꞌ quixye li Ka̱cuaꞌ. Li rey Nabucodonosor quirisi saꞌ lix templo li Ka̱cuaꞌ chixjunil li terto xtzꞌak ut quixcꞌam chokꞌ re. Ut quixcꞌam ajcuiꞌ li terto xtzꞌak li cuan saꞌ li rochoch li rey. Ut quixcꞌam ajcuiꞌ chixjunil li nacꞌanjelac saꞌ lix templo li Ka̱cuaꞌ li quixyi̱b riqꞌuin oro laj Salomón lix reyeb laj Israel.

Josué 6:19

Chixjunil li cꞌaꞌak re ru yi̱banbil riqꞌuin oro, plata, bronce ut hierro ta̱xocma̱nk ut ta̱kꞌaxtesima̱nk chiru li Ka̱cuaꞌ, chan laj Josué.

1 Reyes 14:26

Ut quixcꞌam chokꞌ re chixjunil li terto xtzꞌak li xocxo saꞌ li palacio, joꞌ ajcuiꞌ li xocxo saꞌ li templo. Ut quixcꞌam eb ajcuiꞌ li chꞌi̱chꞌ li nequeꞌxram cuiꞌ re xchꞌo̱l, li quixyi̱b riqꞌuin oro laj Salomón.

Josué 6:24

Ut chirix aꞌan queꞌxcꞌat li tenamit. Ma̱cꞌaꞌ chic quicana. Caꞌaj cuiꞌ li oro, li plata, ut li cꞌaꞌak re ru yi̱banbil riqꞌuin bronce ut hierro, aꞌan queꞌxxoc ut queꞌxqꞌue saꞌ li naꞌajej li xocxo cuiꞌ li cꞌaꞌru nacꞌanjelac chiru li Ka̱cuaꞌ.

2 Reyes 12:9

Ut laj Joiada lix be̱nil aj tij quixsicꞌ jun li ca̱x. Quixhop saꞌ xbe̱n lix tzꞌapbal re. Ut quixqꞌue li ca̱x chixcꞌatk li artal saꞌ li nim li nequeꞌoc cuiꞌ saꞌ lix templo li Ka̱cuaꞌ. Ut eb laj tij li nequeꞌcꞌacꞌalen re li oqueba̱l re li templo queꞌxqꞌue chi saꞌ li ca̱x chixjunil li tumin li nequeꞌxqꞌue li tenamit.

San Lucas 20:47

Ut nequeꞌxmakꞌ li cꞌaꞌru cuan reheb li xma̱lcaꞌan. Ut najt rok lix tijeb nequeꞌxba̱nu nak nequeꞌtijoc chiruheb li tenamit re xmukbal li ma̱usilal li nequeꞌxba̱nu. Eb aꞌan kꞌaxal ra teꞌxtoj cuiꞌ li ma̱c nequeꞌxba̱nu, chan li Jesús.