San Lucas 20:46 - Li Santil hu

⁴⁶ —Me̱tzol e̱rib riqꞌuineb laj tzꞌi̱b li nequeꞌcuulac chiruheb xqꞌuebal li rakꞌeb chirixeb chi najt rok nak nequeꞌbe̱c re xcꞌutbal nak cuanqueb xcuanquil. Eb aꞌan nequeꞌcuulac chiru nak teꞌqꞌuehekꞌ xlokꞌal saꞌ eb li be. Ut nak cuanqueb saꞌ li cab li nequeꞌxchꞌutub cuiꞌ ribeb, nequeꞌcuulac chiruheb cꞌojla̱c toj chi ubej. Ut nak nequeꞌbokeꞌ saꞌ junak ninkꞌe, nequeꞌcuulac chiruheb chunla̱c saꞌ li me̱x li nequeꞌchunla cuiꞌ li cuanqueb xcuanquil.

Q'eqchi Bible

⁴⁶ —Chekolaq eerib' chiruheb' laj tz'iib': neke'raj b'eek chi ninq xb'aseb' li raq', neke'xrahi naq te'k'ehe'q xsahilaleb' xch'ool sa'eb' li k'ayiil, jo'kan ajwi' wank sa' li xb'een na'ajej sa'eb' li ch'utleb'aal kab'l ut wank chi xjolomil li meex naq neke'wa'ak;

San Lucas 20:46 ပူးပေါင်းရင်းမြစ်များ

San Lucas 11:43

Ra cha̱lel saꞌ e̱be̱n la̱ex aj fariseo li nacuulac che̱ru cꞌojla̱c saꞌ li naꞌajej kꞌaxal lokꞌ nak nequexxic saꞌ li cab li nequechꞌutub cuiꞌ e̱rib. Ut nacuulac che̱ru nak ta̱qꞌuehekꞌ e̱lokꞌal saꞌ eb li be.

San Lucas 14:7

Li Jesús quixqꞌue retal nak li bokbileb chi cuaꞌac saꞌ li cab aꞌan yo̱queb chixsicꞌbal ru li naꞌajej li nequeꞌqꞌueheꞌ cuiꞌ li cuanqueb xcuanquil. Joꞌcan nak quixye jun li jaljo̱quil ru a̱tin reheb. Quixye:

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Mateo 16:6

Ut li Jesús quixye reheb: —Cheqꞌuehak retal, me̱bon e̱rib riqꞌuin xchꞌamal xcaxlan cua eb laj fariseo chi moco riqꞌuin xchꞌamal xcaxlan cua eb laj saduceo.

3 Juan 1:9

Cuan cꞌaꞌru xintzꞌi̱ba saꞌ li hu li xintakla riqꞌuineb laj pa̱banel aran. Abanan li herma̱n Diótrefes, aꞌan naxnimobresi rib ut incꞌaꞌ naxcꞌul xchꞌo̱l li cꞌaꞌru xintzꞌi̱ba. Naraj takla̱nc saꞌ e̱ya̱nk ut incꞌaꞌ naxqꞌue incuanquil.

2 Timoteo 4:15

Chacolak ajcuiꞌ a̱cuib la̱at chiru aꞌan xban nak kꞌaxal xi̱cꞌ narabi resil li colba-ib li nakaye.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

San Marcos 8:15

Li Jesús quixye reheb: —Cheba̱nu cue̱nt. Micuan xchꞌamal xcaxlan cuaheb laj fariseo e̱riqꞌuin chi moco xchꞌamal xcaxlan cua laj Herodes.—

San Mateo 23:1

Tojoꞌnak li Jesús quixchꞌolob lix ya̱lal chiruheb li qꞌuila tenamit joꞌqueb ajcuiꞌ lix tzolom ut quixye reheb:

San Lucas 20:47

Ut nequeꞌxmakꞌ li cꞌaꞌru cuan reheb li xma̱lcaꞌan. Ut najt rok lix tijeb nequeꞌxba̱nu nak nequeꞌtijoc chiruheb li tenamit re xmukbal li ma̱usilal li nequeꞌxba̱nu. Eb aꞌan kꞌaxal ra teꞌxtoj cuiꞌ li ma̱c nequeꞌxba̱nu, chan li Jesús.