San Lucas 20:41 - Li Santil hu

⁴¹ Li Jesús quixye reheb: —Nequeꞌxye nak li Cristo laj Colonel aꞌan xcomoneb li ralal xcꞌajol li rey David.

Q'eqchi Bible

⁴¹ Ab'an li Jesus kixye reheb': —K'a'ut naq eb' li tenamit neke'xye naq li Kriist a'an ralal laj David?

San Lucas 20:41 ပူးပေါင်းရင်းမြစ်များ

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Hechos 2:30

Laj David aꞌan jun profeta. Aꞌan quixnau nak li Dios quixye riqꞌuin juramento nak saꞌ xya̱nkeb li ralal xcꞌajol ta̱yoꞌla̱k li Cristo, ut aꞌan chic ta̱xakaba̱k chokꞌ rey.

San Juan 7:42

Tzꞌi̱banbil retalil saꞌ li Santil Hu nak li Cristo li Mesías ta̱cha̱lk saꞌ xya̱nkeb li ralal xcꞌajol li rey David. Ta̱cha̱lk aran Belén li quicuan cuiꞌ li rey David najter, chanqueb.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Jeremías 33:21

Joꞌcan ajcuiꞌ moco naru ta risinquil xcuanquil li contrato quinba̱nu riqꞌuin laj David laj cꞌanjel chicuu. La̱in quinye nak junelic cua̱nk jun reheb li ralal xcꞌajol ta̱oc chokꞌ xreyeb laj Israel. Ut quinba̱nu ajcuiꞌ li contrato riqꞌuineb li ralal xcꞌajol laj Leví ut quinye nak junelic teꞌcꞌanjelak chicuu chokꞌ aj tij.

San Mateo 9:27

Ut nak qui-el aran li Jesús, cuib li mutzꞌ yo̱queb chi ta̱ke̱nc re ut japjo̱queb re chixyebal: —Chacuuxta̱na taxak ku, at ralal xcꞌajol li rey David.—