San Lucas 20:38 - Li Santil hu

³⁸ Li Dios, aꞌan moco xDioseb ta camenak; xDioseb ban li yoꞌyo̱queb, xban nak toj yoꞌyo̱queb chiru li Dios usta ac camenakeb, chan li Jesús reheb.

Q'eqchi Bible

³⁸ Maawa' xYos li kamenaqeb', xYos b'an li yo'yookeb', xb'aan naq cho'q re a'an yo'yookeb' chixjunil!

San Lucas 20:38 ပူးပေါင်းရင်းမြစ်များ

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

San Juan 6:57

Li yoꞌyo̱quil Dios, aꞌan li quitaklan chak cue. Joꞌ nak yoꞌyo chi junelic aꞌan, joꞌcan nak yoꞌyo̱quin ajcuiꞌ la̱in chi junelic. Joꞌcan ajcuiꞌ li ani naxtzaca lin tibel, li jun aꞌan ta̱cua̱nk xyuꞌam chi junelic saꞌ incꞌabaꞌ la̱in.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

San Marcos 12:27

Aꞌan retalil chokꞌ ke nak toj yoꞌyo̱queb chiru li Dios usta queꞌcam. Li Dios moco xDioseb ta li camenakeb; xDioseb ban li yoꞌyo̱queb. Joꞌcan nak la̱ex chi ti̱c incꞌaꞌ nequetau xya̱lal, chan li Jesús reheb.

San Lucas 20:39

Cuanqueb laj tzꞌi̱b queꞌchakꞌoc ut queꞌxye re: —At tzolonel, tzꞌakal re ru li xaye, chanqueb.