San Lucas 20:36 - Li Santil hu

³⁶ Joꞌcakeb ban chic li ángel saꞌ choxa. Incꞌaꞌ chic teꞌca̱mk. Teꞌcuacli̱k cuiꞌchic chi yoꞌyo saꞌ xya̱nkeb li camenak, xban nak aꞌan eb li ralal xcꞌajol li Dios.

Q'eqchi Bible

³⁶ Ink'a' chik ajwi' truuq te'kamq xb'aan naq jo'aqeb' chik li ánjel ut a'anaqeb' ralal xk'ajol li Yos, sa' xk'ab'a' naq xe'wakliik wi' chik chi yo'yo.

San Lucas 20:36 ပူးပေါင်းရင်းမြစ်များ

Apocalipsis 21:4

Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

Filipenses 3:21

Aꞌan kꞌaxal nim xcuanquil saꞌ xbe̱n chixjunil li cꞌaꞌak re ru. Riqꞌuin lix nimal xcuanquilal, li Jesucristo tixjal li katibel li ma̱cꞌaꞌ xcuanquil ut tixqꞌue ke jun chic kꞌaxal lokꞌ joꞌ li re aꞌan.

San Mateo 22:30

Nak teꞌcuacli̱k cuiꞌchic chi yoꞌyo li camenak, chanchanakeb chic li ángel saꞌ choxa xban nak incꞌaꞌ teꞌsumla̱k chi moco teꞌsumuba̱nk chic.

Apocalipsis 20:6

Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

1 Corintios 15:42

Joꞌcan ajcuiꞌ la̱o. Jalan chic li kalokꞌal nak tocuacli̱k cuiꞌchic chi yoꞌyo chirix li kacamic. Nak nococam, nocomukeꞌ ut nakꞌa li katibel, abanan nak tocuacli̱k cuiꞌchic chi yoꞌyo jalanako chic ut incꞌaꞌ chic toca̱mk.

Apocalipsis 22:9

Abanan li ángel quixye cue: —Ma̱ba̱nu chi joꞌcan. Mina̱lokꞌoni. La̱in yal aj cꞌanjelin joꞌ la̱at, joꞌeb ajcuiꞌ li profeta la̱ cuech aj pa̱banelil, joꞌqueb ajcuiꞌ li nequeꞌpa̱ban re li a̱tin li tzꞌi̱banbil saꞌ li hu aꞌin. Aꞌ li Dios, aꞌan li ta̱lokꞌoni ru, chan.

1 Corintios 15:26

Ut li ta̱sachekꞌ xcuanquil toj saꞌ rosoꞌjic, aꞌan li ca̱mc.

San Marcos 12:25

Nak teꞌcuacli̱k chi yoꞌyo saꞌ xya̱nkeb li camenak, incꞌaꞌ chic teꞌsumla̱k chi moco teꞌsumuba̱k chic. Joꞌkeb ban chic li ángel saꞌ choxa.

1 Corintios 15:49

Anakcuan cuan katibel joꞌ li re laj Adán. Li tibelej aꞌan chꞌochꞌ oquenak. Abanan saꞌ jun cutan la̱ako chic joꞌ li Cristo li quichal chak saꞌ choxa.

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

Romanos 8:16

Li Santil Musikꞌej naxchꞌolob xya̱lal chiku, ut nakecꞌa saꞌ li ka̱m nak la̱o chic ralal xcꞌajol li Dios.