San Lucas 20:34 - Li Santil hu

³⁴ Quichakꞌoc li Jesús ut quixye reheb: —Eb li cuanqueb saꞌ ruchichꞌochꞌ anakcuan nequeꞌsumla ut nequeꞌsumuba̱c.

Q'eqchi Bible

³⁴ Kixye li Jesus reheb': —Eb' li ralal xk'ajol li ruuchich'och' a'in neke'k'amok ut neke'k'ame'k.

San Lucas 20:34 ပူးပေါင်းရင်းမြစ်များ

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

San Lucas 17:27

Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Efesios 5:31

Li be̱lomej ut li ixakilbej junaj chic ruheb joꞌ tzꞌi̱banbil saꞌ li Santil Hu li naxye chi joꞌcaꞌin: Nak ta̱sumla̱k, li cui̱nk tixcanab lix naꞌ xyucuaꞌ re nak tixlakꞌab rib riqꞌuin li rixakil. Ut junajak chic ruheb chi xcabichaleb.

San Mateo 12:32

Li ani ta̱hobok cue la̱in, li Cꞌajolbej, ta̱cuyekꞌ xma̱c; abanan li ani ta̱hobok re li Santil Musikꞌej incꞌaꞌ ta̱cuyekꞌ xma̱c chi moco saꞌ eb li cutan aꞌin, chi moco saꞌ eb li cutan cha̱lel. Cua̱nk ban saꞌ xbe̱n chi junelic lix tojbal rix li nimla ma̱c aꞌan.

San Lucas 20:33

Saꞌ xcuaclijiqueb li camenak chi yoꞌyo, nak teꞌcuacli̱k eb aꞌan, ¿ani aj ixakil ta̱cana̱k cuiꞌ li ixk aꞌan xban nak cuukub lix be̱lom quicuan? chanqueb re li Jesús.