San Lucas 20:26 - Li Santil hu

²⁶ Ut ma̱ jun a̱tin queꞌxtau re ta̱ru̱k teꞌxye nak cuan xma̱c. Ut queꞌsach xchꞌo̱leb xban li a̱tin li queꞌsume̱c cuiꞌ xban li Jesús. Joꞌcan nak ma̱cꞌaꞌ chic queꞌxye.

Q'eqchi Bible

²⁶ Ut ink'a' ke'ruuk xchapb'al yal ta sa' junaq aatin chiruheb' li tenamit, ke'sachk b'an xch'ool rik'in li kisumenk wi', ut ch'anch'o ke'kanaak.

San Lucas 20:26 ပူးပေါင်းရင်းမြစ်များ

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

Tito 1:10

Chaqꞌuehak retal ani ta̱xakab chokꞌ aj cꞌamol be xban nak nabaleb li incꞌaꞌ nequeꞌxtau xya̱lal. Nequeꞌa̱tinac chi ma̱cꞌaꞌ rajbal ut nequeꞌxbalakꞌi li tenamit. Kꞌaxal cuiꞌchic nabaleb joꞌcaneb xnaꞌleb saꞌ xya̱nkeb li kech aj pa̱banelil aj judío.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Lucas 13:17

Ut riqꞌuin li cꞌaꞌru quixye li Jesús, quixcꞌut xxuta̱neb chixjunileb li yo̱queb chixcuechꞌinquil rix. Abanan li qꞌuila tenamit queꞌsahoꞌ xchꞌo̱l xbaneb li milagro li yo̱ chixba̱nunquil li Jesús.

San Mateo 22:34

Ut nak laj fariseo queꞌxqꞌue retal nak incꞌaꞌ chic queꞌru xsumenquil li Jesús laj saduceo, eb aꞌan chic queꞌxchꞌutub ribeb chixcꞌu̱banquil chanru teꞌxba̱nu.

San Mateo 22:22

Ut queꞌsach xchꞌo̱l nak queꞌrabi li cꞌaꞌru quixye ut queꞌxcanab li Jesús ut co̱eb.

San Mateo 22:12

Li rey quixye re: “At cuami̱g, ¿cꞌaꞌut nak xat-oc chak arin chi incꞌaꞌ tikto̱cat joꞌ nequeꞌxtikib rib li nequeꞌxic saꞌ sumla̱c?” chan. Ut li cui̱nk incꞌaꞌ quichakꞌoc.

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

San Mateo 8:10

Ut nak li Jesús quirabi li quixye, quisach xchꞌo̱l ut quixye reheb li yo̱queb chi ochbeni̱nc re: —Relic chi ya̱l tinye e̱re nak ma̱ jun intauhom chi moco saꞌ xya̱nkeb laj Israel tzꞌakal re ru xpa̱ba̱l joꞌ li jun aꞌin, usta ma̱cuaꞌ aj judío.

San Lucas 11:54

Yo̱queb chi patzꞌoc re li Jesús yal re rilbal ma tixye junak a̱tin incꞌaꞌ us re nak ta̱ru̱k teꞌxjit.