San Lucas 20:24 - Li Santil hu

²⁴ Cꞌut junak li tumin chicuu. ¿Ani aj e li jalam u̱ch li cuan chiru? Ut, ¿ani aj cꞌabaꞌ li tzꞌi̱banbil chiru? chan. Eb aꞌan queꞌchakꞌoc ut queꞌxye: —Re li acuabej.

Q'eqchi Bible

²⁴ —K'utomaq chiwu junaq tumin. Ani aj jalam u a'in ut ani aj tz'iib'ahom wank chiru? Ke'chaq'ok: —Re li awab'ej, chankeb'.

San Lucas 20:24 ပူးပေါင်းရင်းမြစ်များ

San Mateo 18:28

Ut nak qui-el chak laj cꞌanjel riqꞌuin li rey, quixcꞌul jun li rech aj cꞌanjelil cuan oꞌcꞌa̱l (100) denarios lix cꞌas riqꞌuin li cui̱nk aꞌan. Ut laj cꞌanjel, li quicuyeꞌ xma̱c, quixchap chi xcux li jun li cuan xcꞌas riqꞌuin ut qui-oc chixyatzꞌbal ut quixye re: —Toj la̱ cꞌas, chan.

Filipenses 4:22

Chixjunileb laj pa̱banel li cuanqueb arin nequeꞌxtakla xsahil e̱chꞌo̱l. Ut kꞌaxal cuiꞌchic nabal xsahil e̱chꞌo̱l nequeꞌxtakla laj pa̱banel li cuanqueb saꞌ rochoch li acuabej.

Hechos 26:32

Ut laj Agripa quixye re laj Festo: —Ta̱ru̱k raj rachꞌabanquil li cui̱nk aꞌin cui ta incꞌaꞌ xtzꞌa̱ma nak ta̱rakok a̱tin li acuabej César saꞌ xbe̱n, chan li rey Agripa.

Hechos 11:28

Cuan jun saꞌ xya̱nkeb aꞌan aj Agabo xcꞌabaꞌ. Quixye nak ta̱cua̱nk jun nimla cueꞌej saꞌ chixjunil li ruchichꞌochꞌ xban nak joꞌcan quicꞌuteꞌ chiru xban li Santil Musikꞌej. Ut li cueꞌej aꞌin quicꞌulman saꞌ eb li cutan nak cua̱nk laj Claudio chokꞌ acuabej.

San Lucas 23:2

Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

San Lucas 20:22

Ye ke cꞌaꞌru naxye li chakꞌrab. ¿Ma us takaqꞌue li katoj re laj César li acuabej malaj ut incꞌaꞌ? chanqueb re.

San Lucas 3:1

Yo̱ oꞌlaju chihab roquic chokꞌ acuabej laj Tiberio César, nak cua̱nk laj Poncio Pilato chi takla̱nc saꞌ li tenamit Judea. Laj Herodes aꞌan cua̱nk chi takla̱nc saꞌ li tenamit Galilea. Ut laj Felipe li ri̱tzꞌin cua̱nk chi takla̱nc saꞌ li tenamit Iturea ut saꞌ li naꞌajej Traconite, ut laj Lisanias cua̱nk chi takla̱nc saꞌ li tenamit Abilinia.

San Lucas 2:1

Saꞌ eb li cutan aꞌan li acuabej César Augusto quixqꞌue jun li chakꞌrab re nak chixjunileb li tenamit teꞌajla̱k ut teꞌxqꞌue xcꞌabaꞌeb chi tzꞌi̱ba̱c.

San Mateo 20:2

Ut queꞌxsume cꞌanjelac chiru chi jun denario li cutan xtojbaleb. Ut quixtaklaheb saꞌ li racui̱mk chi cꞌanjelac.

San Mateo 22:20

Ut li Jesús quixpatzꞌ reheb: —¿Ani aj e li jalam u̱ch cuan chiru li tumin aꞌin? Ut, ¿ani aj cꞌabaꞌ li tzꞌi̱banbil chiru? chan.

San Lucas 20:23

Li Jesús quixnau nak aj balakꞌeb. Joꞌcan nak quixye reheb: —¿Cꞌaꞌut nak nequeraj xyalbal cuix?

San Lucas 20:25

Ut li Jesús quixye reheb: —Tojomak re li acuabej li cꞌaꞌru re li acuabej, ut tojomak re li Dios li cꞌaꞌru re li Dios, chan.

San Marcos 12:16

Ut eb aꞌan queꞌxcꞌut li tumin chiru. Ut li Jesús quixye reheb: —¿Ani aj e li jalam u̱ch li cuan chiru? Ut, ¿ani aj cꞌabaꞌ li tzꞌi̱banbil chiru?— Eb aꞌan queꞌchakꞌoc ut queꞌxye: —Re li acuabej, chanqueb.