San Lucas 20:17 - Li Santil hu

¹⁷ Li Jesús quirileb ut quixye reheb: —¿Cꞌaꞌru naraj naxye aꞌin li tzꞌi̱banbil saꞌ li Santil Hu, li queꞌxye li profeta chicuix? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueheꞌ chokꞌ xxuc li cab. (Sal. 118:22)

Q'eqchi Bible

¹⁷ A'ut li Jesus kixka'yaheb' ut kixye: —K'aru xyaalal a'in li tz'iib'anb'il sa' Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l»?

San Lucas 20:17 ပူးပေါင်းရင်းမြစ်များ

Salmos 118:22

Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Hechos 4:11

Li Jesús aꞌan chanchan li cha̱bil pec tzꞌekta̱nanbil xbaneb laj cablanel. La̱ex xetzꞌekta̱na li Jesús. Chanchanex laj cablanel li queꞌtzꞌekta̱nan re li cha̱bil pec li quiqꞌueheꞌ chokꞌ xxuc li cab mokon.

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

San Marcos 12:10

¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueman chokꞌ xxuc li cab.

Zacarías 3:9

La̱in xinqꞌue jun li pec chiru laj Josué. Li pec aꞌan cuan cuukub pere̱l ru. La̱in tintzꞌi̱ba jun li retalil chiru. Ut chiru jun cutan tincuisi lix ma̱queb li cuanqueb saꞌ ruchichꞌochꞌ.

San Lucas 22:37

Relic chi ya̱l ninye e̱re nak tento ta̱tzꞌaklok ru li cꞌaꞌru tzꞌi̱banbil chicuix saꞌ li Santil Hu, li naxye chi joꞌcaꞌin: Quiqꞌueheꞌ saꞌ ajl saꞌ xya̱nkeb li incꞌaꞌ useb xnaꞌleb. Tento nak ta̱cꞌulma̱nk li cꞌaꞌru tzꞌi̱banbil retalil chicuix, chan.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 22:61

Ut li Ka̱cuaꞌ quixsukꞌisi rib ut quixcaꞌya laj Pedro. Ut quinak saꞌ xchꞌo̱l laj Pedro li quiyeheꞌ re xban li Ka̱cuaꞌ, “Toj ma̱jiꞌ ajcuiꞌ naya̱bac li tzoꞌ xul, nak la̱at ac xaye oxib sut nak incꞌaꞌ nacanau cuu.”

San Marcos 10:23

Li Jesús quirileb lix tzolom ut quixye reheb: —Cꞌajoꞌ xchꞌaꞌajquil chokꞌ re junak biom re̱chaninquil lix nimajcual cuanquilal li Dios.—

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

San Lucas 19:41

Nak cuulac re Jerusalén, li Jesús quiya̱bac chirilbal li tenamit.

Zacarías 10:4

Saꞌ xya̱nkeb li tenamit Judá ta̱e̱lk chak jun li kꞌaxal nim xcuanquil, joꞌ li pec li naqꞌueheꞌ saꞌ xxuc li cab. Aꞌan chanchan li cheꞌ li nacu̱tun re junak li muheba̱l. Ut chanchan ajcuiꞌ li tzimaj re pletic. Ut aꞌan li ta̱takla̱nk saꞌ xbe̱n chixjunil li ruchichꞌochꞌ.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

1 Pedro 2:6

Tzꞌi̱banbil retalil saꞌ li Santil Hu li quixye li Dios chirix li Cristo nak quixye chi joꞌcaꞌin: La̱in xinsicꞌ ru li Colonel joꞌ nak laj tzꞌac naxsicꞌ ru li cha̱bil pec chokꞌ xxeꞌ li cab. Xinsicꞌ ru chokꞌ xxeꞌ le̱ pa̱ba̱l. Li ani ta̱pa̱ba̱nk re incꞌaꞌ ta̱chꞌina̱nk xchꞌo̱l. (Isa. 28:16)