San Lucas 2:9 - Li Santil hu

⁹ Ma̱cꞌaꞌ saꞌ xchꞌo̱leb nak xaka̱mil jun x-ángel li Ka̱cuaꞌ chiruheb. Ut quisakenoꞌ chi xjun sutam li cuanqueb cuiꞌ. Ut eb laj ilol xul cꞌajoꞌ nak queꞌxucuac.

Q'eqchi Bible

⁹ Ut jun li x'ánjel li Qaawa' kixk'ut rib' chiruheb', ut li xnimajwal loq'al li Qaawa' kixsuteb' sa' li xsaqenk: k'ajo' naq ke'xiwak.

San Lucas 2:9 ပူးပေါင်းရင်းမြစ်များ

Isaías 60:1

La̱ex li cuanquex Jerusalén, cuaclinkex. Chicutanobresi̱k le̱ naꞌleb joꞌ nak nacutanobresin li sakꞌe. Li Ka̱cuaꞌ xqꞌuehoc re le̱ lokꞌal.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

Apocalipsis 18:1

Chirix aꞌan quicuil jun chic li ángel quicube chak saꞌ choxa. Kꞌaxal nim xcuanquil ut chixjunil li ruchichꞌochꞌ quicutanoꞌ xban lix lokꞌal.

Hechos 27:23

Saꞌ li kꞌojyi̱n aꞌin xcꞌutbesi rib chicuu jun x-ángel li Dios laj e̱chal cue, li nincꞌanjela ru.

1 Reyes 8:11

Ut eb laj tij incꞌaꞌ queꞌru xba̱nunquil lix cꞌanjel xban nak lix lokꞌal li Dios quixnujobresi li Templo.

Hechos 5:19

Abanan chiru li kꞌojyi̱n aꞌan jun lix ángel li Ka̱cuaꞌ quixte lix puertil li tzꞌalam ut quirisiheb saꞌ tzꞌalam ut quixye reheb:

San Juan 12:41

Quixye aꞌin laj Isaías nak quicꞌutbesi̱c chiru lix lokꞌal li Jesús. Joꞌcan nak quixchꞌolob lix ya̱lal.

San Lucas 24:4

Queꞌsach xchꞌo̱leb ut incꞌaꞌ queꞌxnau cꞌaꞌru teꞌxba̱nu. Ut xaka̱mil chiruheb cuib li cui̱nk. Nalemtzꞌun li rakꞌeb.

Éxodo 16:7

Cuulaj ekꞌela te̱ril xnimal xlokꞌal li Ka̱cuaꞌ Dios. Aꞌan xrabi nak yo̱quex chixchꞌiꞌchꞌiꞌinquil. ¿Aniho la̱o nak yo̱quex chikacuechꞌinquil?—

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Hebreos 12:21

Xban nak kꞌaxal xucuajel rilbal li yo̱ chi uxc saꞌ xbe̱n li tzu̱l, laj Moisés quixye: Cꞌajoꞌ nak ninxucuac ut ninsicsot xban inxiu, chan. (Deut. 9:19)

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Hechos 12:7

Ut xaka̱mil jun x-ángel li Dios bar cuan cuiꞌ laj Pedro ut quixcutanobresi saꞌ li tzꞌalam. Li ángel quixtꞌotzꞌotzꞌi laj Pedro ut quirajsi. Quixye re: —Cuaclin. Se̱ba a̱cuib, chan. Ut saꞌ junpa̱t quitꞌaneꞌ li cadena chi rukꞌ.

San Lucas 1:28

Li ángel quicuulac riqꞌuin lix María ut quixye re: —Sahak taxak saꞌ la̱ chꞌo̱l xban nak la̱at li sicꞌbil a̱cuu. Li Ka̱cuaꞌ cuan a̱cuiqꞌuin ut osobtesinbilat saꞌ xya̱nkeb li ixk, chan li ángel.

San Mateo 1:20

Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Ezequiel 3:23

Ut la̱in quinco̱in saꞌ li cꞌaleba̱l. Ut nak quincuulac aran, quicuil cuiꞌchic lix lokꞌal li Dios joꞌ nak quixcꞌut chicuu chire li nimaꞌ Quebar. Ut la̱in quinhupub cuib saꞌ chꞌochꞌ.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

San Lucas 2:8

Nachꞌ riqꞌuin li tenamit Belén cuanqueb aj ilol xul yo̱queb chixcꞌacꞌalenquil lix queto̱mk chi kꞌek.