San Lucas 2:7 - Li Santil hu

⁷ Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

Q'eqchi Bible

⁷ ut kiwank li xb'een xk'uula'al, kixb'at sa' t'ikr ut kixsotob' sa' xwa'leb'aaleb' ketomq, xb'aan naq maak'a' na'ajej cho'q reheb' sa' li kab'l.

San Lucas 2:7 ပူးပေါင်းရင်းမြစ်များ

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

San Mateo 1:25

Abanan incꞌaꞌ quicuan riqꞌuin toj quiyoꞌla li xbe̱n cꞌulaꞌal. Ut Jesús quixqꞌue chokꞌ xcꞌabaꞌ.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

San Mateo 13:55

¿Ma ma̱cuaꞌ ta biꞌ aꞌan li ralal laj pechꞌ? ¿Ma ma̱cuaꞌ ta biꞌ lix María lix naꞌ? Ut, ¿ma ma̱cuaꞌ ta biꞌ aꞌan li raseb laj Jacobo ut laj José, laj Simón ut laj Judas?

Salmos 22:6

Chiruheb li tenamit chanchan li ma̱cuaꞌin chic cristian. Chanchanin chic li motzoꞌ chiruheb. Tzꞌekta̱nanbilin xbaneb ut xicꞌ niquineꞌril.

San Lucas 10:34

Quicuulac riqꞌuin. Quixban lix yocꞌolal riqꞌuin vino ut aceite. Quixbati ru lix tochꞌolal. Quixqꞌue chirix lix cacua̱y ut quixcꞌam saꞌ jun li cab ut aran quixqꞌue chi hila̱nc ut aꞌan qui-iloc re.

Éxodo 4:24

Saꞌ li be naxic Egipto yo̱queb chixnumsinquil li kꞌojyi̱n saꞌ jun cab nak coxtauhekꞌ laj Moisés xban li Ka̱cuaꞌ Dios. Quicamsi̱c raj aran xban li Ka̱cuaꞌ Dios.

Génesis 42:27

Eb aꞌan queꞌoc chi hila̱nc saꞌ jun li muheba̱l bar teꞌxnumsi cuiꞌ li kꞌojyi̱n. Ut jun reheb qui-oc chixqꞌuebal xcua lix bu̱r. Nak quixhit lix coxtal, quisach xchꞌo̱l chirilbal nak cuan peꞌ li tumin chi saꞌ lix coxtal.

Génesis 43:21

Nak xohilan saꞌ be, bar xkanumsi cuiꞌ li kꞌojyi̱n, xkateheb li kacoxtal. Ut xkaqꞌue retal nak cuan li tumin xtzꞌak li trigo chi saꞌ li kacoxtal. Joꞌcan nak la̱o xkacꞌam cuiꞌchic chak xcaꞌ sut lix tzꞌak li trigo li xkacꞌam junxil.

San Lucas 2:6

Nak ac cuanqueb aran Belén quicuulac xkꞌehil nak ta̱yoꞌla̱k lix cꞌulaꞌal.

San Lucas 2:8

Nachꞌ riqꞌuin li tenamit Belén cuanqueb aj ilol xul yo̱queb chixcꞌacꞌalenquil lix queto̱mk chi kꞌek.