San Lucas 2:51 - Li Santil hu

⁵¹ Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

Q'eqchi Bible

⁵¹ Toja' naq kisutq'iik wi' chik Nazaret rochb'eeneb', ut napaab'ank chiruheb'. Li xna' naxk'uula chi us sa' xch'ool chixjunil a'in.

San Lucas 2:51 ပူးပေါင်းရင်းမြစ်များ

San Lucas 2:19

Ut lix María quixcꞌu̱la saꞌ xchꞌo̱l chixjunil li cꞌaꞌru quicꞌulman ut yo̱ chixcꞌoxlanquil rix.

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

San Marcos 6:3

—¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Efesios 5:21

Chepa̱bak e̱rib chi ribil e̱rib re xqꞌuebal xlokꞌal li Cristo.

San Lucas 2:39

Nak ac queꞌxba̱nu chixjunil li naxye saꞌ li chakꞌrab li quixqꞌue li Ka̱cuaꞌ, laj José ut lix María queꞌsukꞌi saꞌ li tenamit Nazaret li cuan saꞌ xcue̱nt Galilea.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

San Mateo 12:46

Ut toj yo̱ ajcuiꞌ chi a̱tinac li Jesús riqꞌuineb li tenamit nak quicuulac aran lix naꞌ rochbeneb li ri̱tzꞌin li Jesús. Cuanqueb chirix cab ut teꞌraj raj ra̱tinanquileb.

San Marcos 1:9

Saꞌ eb li cutan aꞌan li Jesús qui-el chak Nazaret xcue̱nt Galilea. Quicuulac riqꞌuin laj Juan ut laj Juan quixcubsi xhaꞌ aran saꞌ li nimaꞌ Jordán.

San Lucas 4:16

Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu.

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

San Lucas 18:37

Queꞌxye re nak li Jesús aj Nazaret yo̱ chi numecꞌ.