San Lucas 2:41 - Li Santil hu

⁴¹ Rajlal chihab nequeꞌxic lix naꞌ xyucuaꞌ aran Jerusalén chixninkꞌeinquil li reliqueb Egipto. Pascua nequeꞌxye re li ninkꞌe aꞌan.

Q'eqchi Bible

⁴¹ Rajlal chihab' li xna' xyuwa' li Jesus neke'xik Jerusalén chi xninq'ehinkil li Paswa.

San Lucas 2:41 ပူးပေါင်းရင်းမြစ်များ

Deuteronomio 12:18

Te̱tzaca ban li mayej aꞌan chiru li Ka̱cuaꞌ saꞌ li naꞌajej li tixsicꞌ ru li Ka̱cuaꞌ le̱ Dios. Joꞌcan te̱ba̱nu la̱ex, ut eb le̱ ralal e̱cꞌajol, eb le̱ mo̱s ixk ut eb le̱ mo̱s cui̱nk, joꞌ eb ajcuiꞌ laj levita li cua̱nkeb saꞌ le̱ tenamit. Ut ta̱sahokꞌ saꞌ e̱chꞌo̱l chiru li Ka̱cuaꞌ riqꞌuin chixjunil li cꞌanjel te̱ba̱nu.

San Juan 2:13

Nak ac yo̱ chi cuulac xkꞌehil li Pascua, lix ninkꞌe eb laj judío, li Jesús quicuulac Jerusalén.

1 Samuel 1:21

Ut laj Elcana co̱ cuiꞌchic Silo chixqꞌuebal lix mayej chiru li Ka̱cuaꞌ rochbeneb li ralal xcꞌajol joꞌ naxba̱nu rajlal chihab. Quixba̱nu li cꞌaꞌru quixyechiꞌi re li Dios.

1 Samuel 1:3

Laj Elcana rajlal chihab naxic Silo chi lokꞌoni̱nc ut chixqꞌuebal lix mayej chiru li nimajcual Dios. Aran Silo cuan laj Elí laj tij rochbeneb li cuib chi ralal, laj Ofni ut laj Finees. Aꞌan aj tijeb ajcuiꞌ chiru li Dios.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Números 28:16

Saꞌ li ca̱laju xbe li xbe̱n po teꞌxninkꞌei li Pascua re xlokꞌoninquil li Ka̱cuaꞌ.

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Éxodo 34:23

Oxib sut chiru li jun chihab che̱junilex la̱ex cui̱nk texxic saꞌ li tabernáculo chinlokꞌoninquil. La̱in li Ka̱cuaꞌ Dios. La̱in le̱ Dios la̱ex aj Israel.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 11:55

Nak yo̱ chi cuulac xkꞌehil li ninkꞌe Pascua, nabaleb li cristian co̱eb Jerusalén chixchꞌajobresinquil ribeb joꞌ cꞌaynakeb chixba̱nunquil re xtzꞌa̱manquil xcuybal xma̱queb chiru li Dios. Tento teꞌxba̱nu aꞌan re nak ta̱ru̱k teꞌoque̱nk saꞌ li ninkꞌe.

San Juan 6:4

Ac cuulac re xkꞌehil li ninkꞌe Pascua, li nequeꞌxba̱nu eb laj judío.

Éxodo 12:11

Joꞌcaꞌin nak texcuaꞌak. Nak ac oc e̱re chi cuaꞌac, te̱qꞌue lix cꞌa̱mal e̱saꞌ, te̱qꞌue le̱ xa̱b ut cua̱nk le̱ xukꞌ saꞌ le̱ rukꞌ. Te̱se̱ba e̱rib chi cuaꞌac. Aꞌan li kꞌojyi̱n nak la̱in li Ka̱cuaꞌ Dios tinnumekꞌ saꞌ li tenamit chi rakoc a̱tin.

San Lucas 2:42

Nak ac cuan cablaju chihab re li Jesús, co̱eb aran Jerusalén saꞌ li ninkꞌe joꞌ cꞌaynakeb xba̱nunquil.