San Lucas 2:39 - Li Santil hu

³⁹ Nak ac queꞌxba̱nu chixjunil li naxye saꞌ li chakꞌrab li quixqꞌue li Ka̱cuaꞌ, laj José ut lix María queꞌsukꞌi saꞌ li tenamit Nazaret li cuan saꞌ xcue̱nt Galilea.

Q'eqchi Bible

³⁹ Naq ak xe'xb'aanu chixjunil li naxye li xChaq'rab' li Qaawa', ke'sutq'iik Galilea, sa' li xtenamiteb', Nazaret xk'ab'a'.

San Lucas 2:39 ပူးပေါင်းရင်းမြစ်များ

San Lucas 2:4

Laj José qui-el saꞌ li tenamit Nazaret li cuan saꞌ xcue̱nt Galilea ut co̱ Belén li cuan xcue̱nt Judea. Aꞌan xtenamit li rey David. Aran co̱ xban nak aꞌan xcomoneb li ralal xcꞌajol laj David.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

San Lucas 2:51

Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

San Lucas 1:26

Nak ac yo̱ chic xcuak po xcanajic chi yaj aj ixk lix Elisabet, li ángel Gabriel quitakla̱c xban li Dios saꞌ jun li tenamit Nazaret xcꞌabaꞌ li cuan xcue̱nt Galilea.

San Lucas 4:16

Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu.

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.