San Lucas 2:32 - Li Santil hu

³² Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

Q'eqchi Bible

³² a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

San Lucas 2:32 ပူးပေါင်းရင်းမြစ်များ

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Hechos 26:23

Queꞌxye nak tento ta̱camsi̱k li Cristo, laj Colonel li yechiꞌinbil xban li Dios, abanan aꞌan li xbe̱n li ta̱cuacli̱k cuiꞌchic chi yoꞌyo saꞌ xya̱nkeb li camenak ut tixchꞌolob xya̱lal li evangelio reheb laj judío joꞌqueb ajcuiꞌ li ma̱cuaꞌeb aj judío, chan laj Pablo.

Isaías 9:2

Li tenamit chanchan saꞌ kꞌojyi̱n cuanqueb xban li ma̱c ut xban nak incꞌaꞌ nequeꞌxtau xya̱lal. Abanan quicutanobresi̱c lix naꞌlebeb. Ac tenebanbil raj li ca̱mc saꞌ xbe̱neb, abanan quicꞌulun laj Colol reheb.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Salmos 85:9

Relic chi ya̱l li Dios cuan kiqꞌuin chikacolbal la̱o li nakaxucua ru. Ut lix lokꞌal li Dios ta̱cua̱nk kiqꞌuin saꞌ li katenamit.

1 Corintios 1:31

Joꞌcan nak caꞌaj cuiꞌ li Ka̱cuaꞌ takanimobresi. Joꞌcaꞌin tzꞌi̱banbil retalil saꞌ li Santil Hu: Mikanimobresi kib. Chikanimobresihak ban xcuanquil li Ka̱cuaꞌ.

San Lucas 2:10

Abanan li ángel quixye reheb: —Mexxucuac xban nak la̱in xinchal xyebal e̱re jun cha̱bil esilal. Aꞌin jun sahil chꞌo̱lej chokꞌ reheb chixjunileb li tenamit.

Jeremías 2:11

¿Ma xeꞌxjal ta biꞌ lix dioseb li tenamit aꞌan? ¿Ma xeꞌxcanab ta biꞌ xlokꞌoninquil lix dioseb usta ma̱cuaꞌeb tzꞌakal dios? Abanan, la̱in xine̱tzꞌekta̱na la̱ex lin tenamit, usta la̱in li xinqꞌuehoc e̱lokꞌal. Aꞌ chic li yi̱banbil dios li ma̱cꞌaꞌ nequeꞌoc cuiꞌ nequelokꞌoni.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Isaías 49:9

Ta̱cuachꞌabeb li chapcho̱queb ut ta̱cutanobresi lix beheb li cuanqueb saꞌ kꞌojyi̱n. La̱at tat-ilok reheb joꞌ nak li pastor narileb lix carner nak naxqꞌueheb chi ichajibc chire li be ut saꞌ li pachꞌayaꞌ saꞌ eb li cocꞌ bol.

Isaías 51:4

Chine̱rabi, ex intenamit. Cheqꞌuehak retal li oc cue chixyebal. La̱in tinqꞌue lin chakꞌrab reheb li xni̱nkal ru tenamit. Ut lin ti̱quilal ta̱cutanobresi̱nk reheb li tenamit.

San Lucas 2:31

li xaqꞌue chak re xcolbaleb chixjunileb li cuanqueb saꞌ ruchichꞌochꞌ.