San Lucas 2:26 - Li Santil hu

²⁶ Li Santil Musikꞌej quixcꞌutbesi chiru laj Simeón nak aꞌan incꞌaꞌ ta̱ca̱mk toj ta̱ril ru li Cristo li Colonel li quixyechiꞌi li Ka̱cuaꞌ Dios.

Q'eqchi Bible

²⁶ Ak yeeb'il chaq re xb'aan li Santil Musiq'ej naq ink'a' taakamq chi maji'aq taaril ru li xKriist li Qaawa'.

San Lucas 2:26 ပူးပေါင်းရင်းမြစ်များ

San Juan 8:51

Relic chi ya̱l ninye e̱re nak li ani tixba̱nu li cꞌaꞌru ninye, li jun aꞌan incꞌaꞌ ta̱ca̱mk, chan.

Hebreos 11:5

Xban lix pa̱ba̱l laj Enoc incꞌaꞌ quicam. Quicꞌameꞌ ban saꞌ choxa xban li Dios. Incꞌaꞌ chic queꞌxtau xban nak ac xcꞌameꞌ. Nakanau nak li Dios quisahoꞌ saꞌ xchꞌo̱l riqꞌuin nak toj ma̱jiꞌ nacꞌameꞌ saꞌ choxa xban nak joꞌcan tzꞌi̱banbil saꞌ li Santil Hu.

San Lucas 9:27

Ut quixye ajcuiꞌ: —Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj teꞌril lix nimajcual cuanquilal li Dios, chan li Jesús.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Hechos 2:36

Chenauhak che̱junilex la̱ex aj Israel nak li Jesús li queqꞌue la̱ex chiru cruz, aꞌan li quiqꞌueheꞌ chokꞌ Ka̱cuaꞌ ut chokꞌ Cristo xban li Dios, chan laj Pedro.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Hechos 17:3

Yo̱ chixchꞌolobanquil chiruheb nak li Cristo quixcꞌul nabal li raylal joꞌ tenebanbil saꞌ xbe̱n ut quicuacli cuiꞌchic chi yoꞌyo saꞌ xya̱nkeb li camenak. Quixye reheb: —Li Jesús li yo̱quin chixyebal e̱re, aꞌan li Cristo laj Colonel, chan.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 4:29

—Yoꞌkeb chicuix chirilbal jun li cui̱nk quixye cue chixjunil lin yehom inba̱nuhom. Ma̱re aꞌan li Cristo li yo̱co chiroybeninquil, chan.

San Juan 1:41

Nak ac x-a̱tinac riqꞌuin li Jesús, ticto co̱ laj Andrés riqꞌuin laj Simón ut quixye re: —Anakcuan xkatau li Mesías, chan. (Chi jalbil ru naraj naxye “li Cristo li taklanbil chak xban li Dios”.)

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

San Mateo 2:12

Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

San Lucas 2:29

—At Ka̱cuaꞌ, anakcuan xaba̱nu joꞌ xayechiꞌi cue. Anakcuan naru tinca̱mk chi cꞌojcꞌo inchꞌo̱l,