San Lucas 2:21 - Li Santil hu

²¹ Cuakxakib cutan cuan re li cꞌulaꞌal nak quixcꞌul li circuncisión ut Jesús queꞌxqꞌue chokꞌ xcꞌabaꞌ, joꞌ quiyeheꞌ re lix María xban li ángel nak toj ma̱jiꞌ nacana chi yaj.

Q'eqchi Bible

²¹ Naq kitz'aqlok waqxaqib' kutan li k'uula'al, kixk'ul li sirkunsisyon ut Jesus ke'xk'e cho'q xk'ab'a', a' ajwi' li kixye li ánjel naq toj maji' nasiyaak chaq rik'in li xna'.

San Lucas 2:21 ပူးပေါင်းရင်းမြစ်များ

Levítico 12:3

Ut saꞌ xcuakxak li cutan li cꞌulaꞌal tixcꞌul li circuncisión.

San Lucas 1:59

Ac cuan cuakxakib cutan re li cꞌulaꞌal, nak quixcꞌul li circuncisión. Aj Zacarías raj queꞌxqꞌue chokꞌ xcꞌabaꞌ chokꞌ re̱kaj lix yucuaꞌ.

San Lucas 1:31

Anakcuan tatcana̱k chi yaj aj ixk. Li Dios tixqꞌue jun a̱cꞌulaꞌal te̱lom ut Jesús lix cꞌabaꞌ ta̱qꞌue.

Génesis 17:12

Li junju̱nk chi cꞌulaꞌal te̱lom tixcꞌul li circuncisión nak cua̱nk cuakxakib cutan xyoꞌlajic. Aꞌin lin chakꞌrab li ta̱ticla̱k anakcuan ut ta̱uxma̱nk chalen. Joꞌcan ta̱uxma̱nk reheb chixjunileb li cocꞌ te̱lom saꞌ xya̱nkeb la̱ cualal a̱cꞌajol joꞌ eb ajcuiꞌ la̱ lokꞌbil mo̱s usta jalan xtenamiteb.

Filipenses 2:8

Ut nak quicuan saꞌ ruchichꞌochꞌ quixcubsi rib ut quixba̱nu li quiraj li Dios toj retal nak quicam chiru li cruz.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

San Mateo 1:25

Abanan incꞌaꞌ quicuan riqꞌuin toj quiyoꞌla li xbe̱n cꞌulaꞌal. Ut Jesús quixqꞌue chokꞌ xcꞌabaꞌ.

San Mateo 1:21

Ta̱cua̱nk jun lix cꞌulaꞌal chꞌina te̱lom. Ut Jesús ta̱qꞌue chokꞌ xcꞌabaꞌ xban nak aꞌan ta̱colok re lix tenamit saꞌ lix ma̱queb, chan.