San Lucas 2:14 - Li Santil hu

¹⁴ —Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

Q'eqchi Bible

¹⁴ “Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

San Lucas 2:14 ပူးပေါင်းရင်းမြစ်များ

Romanos 5:1

Joꞌcan ut nak ti̱cobresinbil chic li kachꞌo̱l chiru li Dios xban li kapa̱ba̱l, ut cuanco chic saꞌ usilal riqꞌuin li Dios xban li Ka̱cuaꞌ Jesucristo.

San Lucas 19:38

Queꞌxye: —Osobtesinbil taxak li rey li xchal saꞌ xcꞌabaꞌ li Ka̱cuaꞌ. Ut cua̱nk taxak li tuktu̱quilal saꞌ choxa. Lokꞌoninbil taxak li Ka̱cuaꞌ li cuan saꞌ choxa, chanqueb.

Colosenses 1:20

Xban xcamic li Jesucristo, chixjunil li cuan saꞌ choxa joꞌ ajcuiꞌ li cuan saꞌ ruchichꞌochꞌ naru ta̱cua̱nk chi sum a̱tin riqꞌuin li Dios. Ut xban lix quiqꞌuel li quihoyeꞌ chiru li cruz, li Jesucristo quixqꞌue li tuktu̱quil usilal.

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

Apocalipsis 5:13

Ut quicuabi ajcuiꞌ nak queꞌa̱tinac chixjunil li cꞌaꞌak re ru quiyoꞌobtesi̱c xban li Dios, joꞌ li cuanqueb saꞌ choxa, joꞌ li cuanqueb saꞌ ruchichꞌochꞌ, joꞌ ajcuiꞌ li cuanqueb saꞌ li palau, joꞌqueb ajcuiꞌ li cuanqueb saꞌ xnaꞌajeb li camenak. Chixjunileb li queꞌyoꞌobtesi̱c xban li Dios queꞌxye: Aꞌ taxak li Dios li cꞌojcꞌo saꞌ xcꞌojariba̱l joꞌ ajcuiꞌ li Jun li chanchan carner, chilokꞌoni̱k ut chiqꞌuehekꞌ xlokꞌal. Chiqꞌuehekꞌ xcuanquil ut chinima̱k ru chi junelic kꞌe cutan.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

San Juan 17:4

La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Filipenses 2:11

Li Dios quixqꞌue xlokꞌal li Jesucristo re nak chixjunileb teꞌxchꞌolob xya̱lal riqꞌuin xtzꞌu̱mal re nak li Jesucristo, aꞌan li Ka̱cuaꞌ ut teꞌxqꞌue xlokꞌal li Acuabej Dios.

San Lucas 3:22

Li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús ut qui-abi̱c xya̱b xcux li Dios toj saꞌ choxa nak quixye: —La̱at li cualal raro̱cat inban. Nasahoꞌ inchꞌo̱l a̱cuiqꞌuin, chan.

San Mateo 21:9

Nak yo̱ chi xic li Jesús cuan yo̱queb chi xic chiru ut cuan yo̱queb chi xic chirix. Japjo̱queb re chixyebal: —Lokꞌoninbil taxak laj Colol ke, li ralal xcꞌajol li rey David. Osobtesinbil taxak li yo̱ chak chi cha̱lc saꞌ xcꞌabaꞌ li Ka̱cuaꞌ Dios. Aj Colol ke taxak li xchal chak riqꞌuin li Dios, chanqueb.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

Efesios 2:4

Abanan kꞌaxal nim li ruxta̱n li Dios saꞌ kabe̱n xban nak kꞌaxal nocoxra.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

Miqueas 5:5

Ut aꞌan ta̱cꞌamok chak re li tuktu̱quil usilal saꞌ kaya̱nk la̱o li ralal xcꞌajol. Ut aꞌan ta̱colok ke saꞌ rukꞌeb laj Asiria nak teꞌraj oc saꞌ li katenamit chixjucꞌbal li kapalacio. Ut la̱o takaxakab cuukubak chi cui̱nk re teꞌilok ke ut takaxakab ajcuiꞌ cuakxakibak chi cui̱nk cua̱nkeb xcuanquil re teꞌcꞌamok be chiku.

San Lucas 2:13

Ut saꞌ junpa̱t queꞌchal nabaleb chic li ángel saꞌ choxa. Yo̱queb chixlokꞌoninquil li Ka̱cuaꞌ ut yo̱queb chixyebal:

San Lucas 2:15

Nak ac xco̱eb li ángel saꞌ choxa, eb laj ilol xul queꞌoc chixyebal chi ribileb rib: —Yoꞌkeb Belén ut takil chak li cꞌaꞌru xcꞌulman, li xtakla xyebal ke li Ka̱cuaꞌ, chanqueb.