San Lucas 19:5 - Li Santil hu

⁵ Nak yo̱ chi numecꞌ aran, li Jesús qui-iloc takecꞌ. Quiril laj Zaqueo ut quixye re: —At Zaqueo, cuben chak chi junpa̱t xban nak tento nak tinhila̱nk saꞌ la̱ cuochoch anakcuan, chan.

Q'eqchi Bible

⁵ Naq kiwulak li Jesus sa' li na'ajej a'an, kixtaqsi li rilob'aal ut kixye re: —Zakeo, kub'en chaq chi junpaat, xb'aan naq hoon tento tinkanaaq sa' laawochoch.

San Lucas 19:5 ပူးပေါင်းရင်းမြစ်များ

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

San Juan 1:48

Laj Natanael quixye re li Jesús: —¿Chanru nacanau nak cha̱bil innaꞌleb? chan. Li Jesús quichakꞌoc ut quixye re: —Xinnau chanru a̱naꞌleb nak cuancat rubel li jun to̱n chi higo nak toj ma̱jiꞌ nacatxbok laj Felipe, chan.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Ezequiel 16:6

La̱in quinnumeꞌ aran ut quicuil nak yo̱cat chi ecꞌa̱nc saꞌ la̱ quiqꞌuel. Ut la̱in quinye nak incꞌaꞌ tatca̱mk.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

San Lucas 19:2

Aran cuan jun li cui̱nk biom aj Zaqueo xcꞌabaꞌ. Li cui̱nk aꞌan, aꞌan li nataklan saꞌ xbe̱neb laj titzꞌol toj.

San Lucas 19:4

Joꞌcan nak co̱ saꞌ a̱nil chi ubej ut quitakeꞌ saꞌ ruꞌuj jun li cheꞌ sicómoro xcꞌabaꞌ re nak ta̱ru̱k ta̱ril li Jesús xban nak aran toxnumekꞌ.

San Lucas 19:6

Ut laj Zaqueo quicube saꞌ junpa̱t ut quixcꞌul li Jesús saꞌ rochoch chi sa saꞌ xchꞌo̱l.