San Lucas 19:47 - Li Santil hu

⁴⁷ Ut rajlal cutan yo̱ chixchꞌolobanquil xya̱lal saꞌ li templo. Eb li xbe̱nil aj tij, ut eb laj tzꞌi̱b ut eb li nequeꞌtaklan saꞌ xya̱nkeb laj judío yo̱queb chixcꞌu̱banquil chanru nak teꞌxcamsi.

Q'eqchi Bible

⁴⁷ Rajlal kutan naxtzoleb' sa' rochoch li Yos, ut eb' li xb'eenil aj tij, eb' laj tz'iib' jo'wi' li xninqaleb' ru sa' li tenamit yookeb' chi xsik'b'al chan raj ru naq te'xkamsi.

San Lucas 19:47 ပူးပေါင်းရင်းမြစ်များ

San Marcos 11:18

Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Juan 18:20

Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

San Juan 10:39

Ut queꞌxyal cuiꞌchic xchapbal, abanan li Jesús qui-el chiruheb.

San Juan 7:44

Cuanqueb li queꞌajoc xchapbal li Jesús abanan incꞌaꞌ ajcuiꞌ queꞌxba̱nu.

San Juan 7:19

¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

San Marcos 12:12

Eb laj tij ut eb laj tzꞌi̱b ut eb li xakabanbileb chi cꞌanjelac saꞌ rochoch li Dios queꞌxcꞌoxla raj xchapbal li Jesús re teꞌxqꞌue saꞌ tzꞌalam xban nak queꞌxtau ru nak chirixeb aꞌan yo̱ chi a̱tinac nak quixye li jaljo̱quil ru a̱tin aꞌan. Abanan queꞌxucuac xbaneb li tenamit. Joꞌcan nak queꞌxcanab ut queꞌel saꞌ li naꞌajej aꞌan.

San Mateo 21:23

Ut qui-oc cuiꞌchic li Jesús saꞌ rochoch li Dios. Ut nak yo̱ chixchꞌolobanquil lix ya̱lal chiruheb li tenamit, queꞌcuulac riqꞌuineb li xbe̱nil aj tij ut queꞌcuulac ajcuiꞌ eb li xakabanbileb chi cꞌanjelac saꞌ li rochoch li Dios. Ut queꞌxye re: —¿Ani xtaklan chak a̱cue chixba̱nunquil li cꞌaꞌru yo̱cat chixba̱nunquil? Ut, ¿ani xqꞌuehoc a̱cuanquil?—

San Marcos 14:49

Rajlal cutan cuanquin saꞌ e̱ya̱nk che̱tzolbal saꞌ rochoch li Dios ut incꞌaꞌ quine̱chap. Abanan xcꞌulman chi joꞌcaꞌin re nak ta̱tzꞌaklok ru li tzꞌi̱banbil saꞌ li Santil Hu, chan li Jesús.

San Lucas 19:48

Abanan incꞌaꞌ queꞌxtau chanru teꞌxba̱nu xban nak chixjunileb li tenamit yo̱queb chixqꞌuebal xchꞌo̱leb chirabinquil li cꞌaꞌru yo̱ chixyebal li Jesús.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.