San Lucas 19:42 - Li Santil hu

⁴² Ut quixye: —¡Cui ta la̱ex aj Jerusalén nequenau xqꞌuebal retal ani ta̱ru̱k ta̱qꞌuehok tuktu̱quil usilal saꞌ eb li cutan aꞌin, us raj! Aban anakcuan toj mukmu che̱ru. Joꞌcan nak incꞌaꞌ nequetau xya̱lal.

Q'eqchi Bible

⁴² “Wi laa'at xanaw taxaq xb'ehil li tuqtuukil usilal chiru li kutan a'in! Ab'anan muqmu xkanaak chawu anaqwan.

San Lucas 19:42 ပူးပေါင်းရင်းမြစ်များ

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Hebreos 3:15

Joꞌcaꞌin tzꞌi̱banbil saꞌ li Santil Hu li quixye li Dios: Cherabihak li cua̱tin anakcuan. Me̱cacuubresi e̱chꞌo̱l joꞌ queꞌxba̱nu chak le̱ xeꞌto̱nil yucuaꞌ nak queꞌxkꞌet chak li cua̱tin. (Sal. 95:7-8)

Isaías 48:18

Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

San Lucas 19:44

Teꞌxjuqꞌui le̱ tenamit ut teꞌxtꞌan, joꞌqueb ajcuiꞌ chixjunileb li cuanqueb aran. Ma̱ jun chic li pec ta̱cana̱k saꞌ xnaꞌaj. Te̱cꞌul chi joꞌcan xban nak la̱ex incꞌaꞌ xeqꞌue retal nak li Dios xcꞌulun e̱riqꞌuin che̱colbal, chan li Jesús.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Hebreos 3:7

Li Ka̱cuaꞌ Jesucristo kꞌaxal nim xcuanquil. Joꞌcan nak takabi li ra̱tin li naxye li Santil Musikꞌej: Cherabihak anakcuan li cua̱tin.

Salmos 81:13

Cui ta eb lin tenamit xeꞌabin chicuu, ut cui ta xeꞌxba̱nu li cꞌaꞌru xinye,

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

San Lucas 19:41

Nak cuulac re Jerusalén, li Jesús quiya̱bac chirilbal li tenamit.

San Lucas 19:43

Ta̱cuulak xkꞌehil nak eb li xicꞌ nequeꞌiloc e̱re teꞌcha̱lk chi pletic e̱riqꞌuin. Teꞌxsut rix le̱ tenamit. Teꞌxqꞌue ribeb chi xjun sutam le̱ tenamit ut la̱ex ma̱ bar chic ta̱ru̱k te̱col e̱rib.