San Lucas 19:27 - Li Santil hu

²⁷ Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

Q'eqchi Bible

²⁷ Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

San Lucas 19:27 ပူးပေါင်းရင်းမြစ်များ

San Lucas 19:14

Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.

Hebreos 10:13

Ut aran yo̱ chiroybeninquil nak ta̱cuulak xkꞌehil nak tixyekꞌ saꞌ rok eb li xicꞌ nequeꞌiloc re.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

San Lucas 21:22

Ut saꞌ eb li cutan aꞌan, li Dios tixqꞌueheb chixtojbal rix lix ma̱queb li xicꞌ nequeꞌiloc re. Chi joꞌcan ta̱tzꞌaklok ru chixjunil li tzꞌi̱banbil retalil saꞌ li Santil Hu.

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Salmos 2:9

Cau tattakla̱nk saꞌ xbe̱neb li tenamit xban nak la̱ cuanquil xinqꞌue chanchan jun xukꞌ chꞌi̱chꞌ. Joꞌcan nak tatrakok a̱tin saꞌ xbe̱neb toj retal teꞌosokꞌ. Chanchan nak najoreꞌ junak li chꞌochꞌ cuc nak teꞌosokꞌ,” chan li Ka̱cuaꞌ.

San Lucas 20:16

Ta̱cha̱lk ut tixcamsiheb laj ilol re li racui̱mk ut jalan chic aj e tixqꞌue li jun si̱r chi uvas, chan li Jesús. Nak queꞌrabi li quixye li Jesús, eb aꞌan queꞌxye: —Incꞌaꞌ taxak chicꞌulma̱nk chi joꞌcan, chanqueb.

Nahum 1:2

Li Ka̱cuaꞌ naraj nak caꞌaj cuiꞌ aꞌan ta̱lokꞌoni̱k. Aꞌan naqꞌuehoc re̱kaj reheb li xicꞌ nequeꞌiloc re. Li Ka̱cuaꞌ Dios najoskꞌoꞌ saꞌ xbe̱neb li xicꞌ nequeꞌiloc re ut aꞌan naxqꞌue re̱kaj reheb li cꞌaꞌru nequeꞌxba̱nu.

Isaías 66:6

Abihomak li choki̱nc saꞌ li tenamit ut saꞌ li templo. Aꞌan li xya̱b xcux li Ka̱cuaꞌ nak yo̱ chixqꞌuebal re̱kaj li ma̱usilal xeꞌxba̱nu li xicꞌ nequeꞌiloc re.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

1 Samuel 11:12

Eb laj Israel queꞌxye re laj Samuel: —¿Aniheb li cui̱nk li queꞌxye nak laj Saúl incꞌaꞌ ta̱takla̱nk saꞌ kabe̱n? Kꞌaxtesiheb saꞌ kukꞌ re takacamsiheb, chanqueb.

2 Samuel 23:7

Li ani nachꞌeꞌoc re naxba̱nu riqꞌuin xchꞌi̱chꞌ malaj ut riqꞌuin xla̱ns. Nequeꞌxqꞌue xxamlel ut aran na-osoꞌ. Joꞌcaꞌin nak teꞌosokꞌ li nequeꞌxba̱nu ma̱usilal.”

Salmos 109:20

At Ka̱cuaꞌ, joꞌcaꞌin taxak nak ta̱qꞌueheb chixtojbal lix ma̱queb li xicꞌ nequeꞌiloc cue. Chaqꞌueheb taxak chixtojbal xma̱queb li nequeꞌyoꞌoban a̱tin chicuix.