San Lucas 19:14 - Li Santil hu

¹⁴ Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.

Q'eqchi Bible

¹⁴ Ab'anan eb' li rech tenamitul xik' neke'ril li winq a'an; jo'kan naq ke'xtaqlaheb' xtaql re xyeeb'al sa' li najtil tenamit: «Ink'a' naqaj naq a'an taa'awab'ejinq qe».

San Lucas 19:14 ပူးပေါင်းရင်းမြစ်များ

1 Samuel 8:7

Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

San Juan 15:18

—Cui la̱ex xicꞌ nequex-ileꞌ xbaneb li incꞌaꞌ nequeꞌpa̱ban, chenauhak nak xbe̱n cua la̱in xicꞌ xineꞌril che̱ru la̱ex.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

San Juan 1:11

Quicꞌulun saꞌ lix tenamit. Abanan incꞌaꞌ quicꞌuleꞌ saꞌ xya̱lal xbaneb.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

San Lucas 14:32

Ut cui naxcꞌoxla nak incꞌaꞌ ta̱ru̱k, tixtaklaheb lix takl nak toj cua̱nkeb chi najt chixtzꞌa̱manquil chiru li rey jun chic re nak teꞌcana̱k saꞌ usilal chi ribileb rib.

San Lucas 19:13

Nak ac xic re li cui̱nk quixbokeb laje̱b lix mo̱s. Quixqꞌue laje̱b chi tumin re li junju̱nk ut quixye reheb: —Yaconkex chiru li tumin aꞌin tojaꞌ yal jokꞌe tana tinsukꞌi̱k chak la̱in, chan.

San Lucas 19:15

Abanan li cui̱nk quixakaba̱c chokꞌ rey. Ut nak ac x-oc chokꞌ rey, li cui̱nk aꞌan quisukꞌi cuiꞌchic saꞌ xtenamit ut quixtakla xbokbaleb lix mo̱s li quixqꞌueheb xtumin re xnaubal li joꞌ nimal ac xtau li junju̱nk.

2 Samuel 23:7

Li ani nachꞌeꞌoc re naxba̱nu riqꞌuin xchꞌi̱chꞌ malaj ut riqꞌuin xla̱ns. Nequeꞌxqꞌue xxamlel ut aran na-osoꞌ. Joꞌcaꞌin nak teꞌosokꞌ li nequeꞌxba̱nu ma̱usilal.”